	Veðurstofa Íslands Eftirlits og spársvið

Jarðskjálftar 20220516 - 20220522, vika 20

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Um 4200 jarðskjálftar mældust með SIL sjálfvirku staðsettningarkerfi Veðurstofu Íslands í liðinni viku. Af þeim hafa tæplega 1200 skjálftar verið yfirfarnir. Alls mældust 14 jarðskjálftar 3,0 og stærri í vikunni allflestir á Reykajnesskaga en þar var áframhaldandi skjálftavikrni eða hrina sem tengst landrisi við Svartsengi og Þorbjörn og stiðja GPS mælingar og gervihnattagögn þá túlkun. Stærsti skjálfti vikunnar var 3,5 að stærð kl. 04:47 þann 18. maí skammt sunnan við Sýrlingafell. Á öðrum svæðum má nefna að jarðskjálfti af stærð 3,2 mældist þann 20. maí í suðvestanverðum Hofsjökli kl. 15:24 annar jarðskjálfti af einnig 3,2 að stærð mældist í sunnanverðum Henglinum þann sama dag kl. 15:45.

Suðurland

Um 50 jarðskjálftar mældust á Suðurlandi í liðinni viku. Um 20 þeirra mældust á Hengilssvæðinu en þar mældist stærsti skjálftinn á stuðurlandi í sunnanverðum Henglinum þann 20. maí kl. 15:45 af stærð 3,2. Rúmur tugur skjálfta mældust í Þrengslunum stærsti 1,5 að stærð þann 16 maí. Aðrir skjálftar dreifðust um suðurlandsbrotabeltið.

Reykjanesskagi

Tæplega 4000 jarðskjálftar voru staðsettir á Reykjanesskaga í vikunni sem leið, þar af hafa um 1000 jarðskjálftar verið handvirkt yfirfarnir þegar þetta er ritað. 300 skjálftar voru sjálfvirkt staðsettir úti fyrir Reykjanestá en all flestir skjálftarnir rúmlega 3000 talsins mældust við Svartsengi og Þorbjörn þar sem er yfirstandandi jarðskjálftahrina vegna kvikuinnskots á um 4 til 6 km dýpi. Gps mælingar og InSAR gervihnattamyndir hafa mælt landris þar sem nemur 40 til 45 mm (23. maí 2022).

Utan þessara tveggja áðurnefndra svæða mældust 13 skjálftar við Bláfjöll stærsti 1,1 að stærð. 4 skjálftar voru staðsettir í Brennisteinsfjöllum stæsti af stærð 1,6. Um 2 tugir skjálfta voru staðsettir umhverfis Kleifarvatn stærsti 2,0 að stærð þann 21. maí kl. 14:14 rétt norðan við vatnið. Tæpur tugur skjálfta var staðsettur við Fagradalshraun.

11 jarðskjálftar mældust 3,0 eða stærri. 16. maí mældust 2 skjálftar á sömu mínútunni í Eldvörpum kl. 00:44 fyrri af stærð 3,3 og seinni 3,1 að stærð. 1 skjálfti af stærð 3,0 mældist skammt vestan við Bláa lónið kl. 15:50 einnig þann 16. maí. 18. maí mældust 3 skjálftar af stærð 3,0 og stærri rétt sunnan við Sýrlingafell, þeir mældust þar kl. 04:27, 3,5 að stærð og hinir mældust rétt eftir kl. 17:30 og voru þeir af stærðum 3,1 og 3,0. 19. maí kl. 11:38 mældist skjálfti rétt austan við Sýrlingafell 3,1 að stærð. 20. maí kl. 18:06 mældist skjálfti 3,4 að stærð úti fyrir Reykjanestá. Loks mældist 1 skjálfti í austanverðum Þorbirni þann 21. maí af stærð 3,3.

Allir þessir skjálftar yfir 3,0 að stærð fundust á Reykjanesskaganum og þessir stærstu einnig að höfuðborgarsvæðinu.

Á meðan aukinnar jarðskjálftavirkni er vart á Reykjanesskaga aukast líkurnar á stærri skjálfta (6,0 til 6,5 að stærð) í Brennisteinsfjöllum, sjá HÉR.

Norðurland

Tæplega 50 jarðskjálftar mældust á Tjörnesbrotabeltinu í síðustu viku. Á Grímseyjarbeltinu mældust 16 skjálftar sá stærsti 21. maí, 2,3 að strærð. Í Öxarfirði mældust 16 skjálftar flestir undir 1.0 að stærð. Um tugur skjálfta mældist á Húsavíkur-Flateyjarmisgenginu stærsti þann 16. maí af stærð 2,4. Einn skjálfti mældist langt norður af landi á SPAR-misgenginu 3,4 að stærð þann 20. maí.

Við Kröflu mældust 2 skjálftar og aðrir 2 við Þeistareyki.

Vesturland

Einn skjálfti mældist við Grjótárvatn í vikunni 1,2 að stærð og 3 skjálftar í námunda við Skjaldbreið.

Hálendið

75 jarðskjálftar hafa verið staðsettir á Hálendinu í vikunni. Stærsti jarðskjálftinn af þeim mældist 3,2 mældist þann 20. maí Hofsjökli kl. 15:24 en tæpur tugur skjálfta mældist þar í vikunni. Um tugur skjálfta var staðsettur umhverfis Öskjuvatn stærstu 2 af stærð 1,7. Annar tugur jarðskjálfta var staðsettur við Herðubreið og Herðubreiðartögl stærsti af þeim af stærð 1,6. Í Vatnajökli mældust 35 jarðskjálftar, 4 undir 1,0 að stærð í Bárðarbungu, 8 á svokölluðu djúpa svæði suðaustan Bárðarabunguöskjunnar. 4 skjálftar mældust við Hamarinn, aðrir 4 við Grímsvötn. 1 í norðaustanverðum Öræfajökli af stærð 1,4 þann 19. maí. Og um 7 skjálftar í ofanverðum Skeiðarárjökli.

Mýrdalsjökull

4 jarðskjálftar mældust innan Kötluöskjunnar í liðinni viku sá stærsti mældist 2.1 við norðurbrún öskjunnar. 1 skjálfti mældist á Torfajökulssvæðinu í vikunni af stærð 1.0. Nánar er hægt að skoða skjálftavirkni á landinu í Skjálfta-Lísu

Náttúruvársérfræðingur á vakt