	Veðurstofa Íslands Jarðeðlissvið

Jarðskjálftar 20220523 - 20220529, vika 21

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Ríflega 3000 jarðskjálftar mældust með SIL sjálfvirku jarðskjálftamælikerfi Veðurstofu Íslands í þessari . Af þeim hafa um 1050 skjálftar verið yfirfarnir. Alls mældust fjórir jarðskjálftar 3,0 og stærri í vikunni, tveir á Reykjanesskaga, einn á Reykjaneshygg, en stærsti skjálfti vikunnar var 4,4 í öskju Bárðarbungu. Langmesta virkni vikunnar var á Reykjanesskaga, sér í lagi við Svartsengi. Viðvarandi skjálftavirkni hefur verið á Reykjanesskaga síðastliðinn mánuð sem tengist landrisi við Svartsengi sem stutt er af GPS mælingaum og gervihnattamyndum. Af annarri markverðri virkni í vikunni má segja að nokkur skjálftavirkni var í Sandfelli, norðan Haukadals. Þar mældust um 50 skjálftar þann 24. maí. Einnig var nokkur virkni í Bárðarbungu og rétt austan við Bárðarbungu á því svæði þar sem kvikugangur myndaðist 2014. Auk þess má nefna skjálftavirkni úti á Reykjaneshrygg, milli Eldeyjar og Reykjaness.

Suðurland

Við Hengilinn mældust um 30 skjálftar, þar af 18 vestan Lambafells. Aðrir voru nokkuð dreifðir. Á Suðurlandi tæplega 30 skjálftar, þar af voru 8 staðsettir sunnarlega í Þrengslunum. Tveir skjálftar voru staðsettir SV af Surtsey aðrir tveir á Selvogsgrunni, um 50 km vestur af Heimaey.

Reykjanesskagi og Reykjaneshryggur

Ríflega 2600 jarðskjálftar mældust á Reykjanesskaga í vikunni, þar af hafa tæplega 800 jarðskjálftar verið handvirkt yfirfarnir þegar þetta er ritað. Um 90 skjálftar voru sjálfvirkt staðsettir úti fyrir Reykjanestá en all flestir skjálftarnir um 2300 talsins mældust við Svartsengi og Þorbjörn þar sem er yfirstandandi jarðskjálftahrina vegna kvikuinnskots á um 4 til 6 km dýpi. Gps mælingar og InSAR gervihnattamyndir hafa mælt landris þar sem nemur 40 til 45 mm (23. maí 2022). Af þeim hafa um 700 skjálftar verið yfirfarnir.

Utan þessara tveggja áðurnefndra svæða hafa verið yfirfarnir um 20 skjálftar við umhverfis Kleifarvatn og tæplega 20 við Reykjanestá.

3 jarðskjálftar mældust 3,0 eða stærri á svæðinu. 23.maí mældist skjálfti af stærð 3,5 rétt austan Sundhnúks og þann 29. maí mældist annar af stærð 3.2 rétt norðan Þorbjörns. Úti fyrir Reykjanestá mældist skjálfti af stærð 3,5 þann 26. maí.

Norðurland

Ríflega 30 skjálftar mældust úti fyrir Norðurlandi í vikunni, þar af 20 á Grímseyjarbrotabeltinu og 11 á Húsavíkur-Flateyjarmisgenginu. Einn skjálfti mældist á norðanverðum Tröllaskaga í vikunni,

Við Kröflu mældist einn skjálfti í vikunni.

Vesturland

Einn skjálfti mældist í Snæfellsjökli í vikunni, einn á Arnarvatnsheiði og tveir við Skjaldbreið.

Hálendið

Um 150 jarðskjálftar hafa verið staðsettir og yfirfarnir á Hálendinu í vikunni. Af þeim voru flestir í hrinu við Sandfell norðan Haukadals eða um 50 talsins. Annað eins mældist í Vatnajökli, þar af flestir í öskju Bárðarbungu, 24 talsins, og rétt austan við öskjuna, um 12 talsins. Þar mældist einnig stærsti skjálfti vikunnar, 4,4 að stærð þann 28. maí í miðri öskjunni. Á Lokahrygg mældust 4 skjálftar og einn norðan Grímsvatna. 4 skjálftar mældust í sunnanverðum Vatnajökli og 4 smáskjálftar mældust við Kverkfjöll. Þrír skjálftar mældust í Hofsjökli í vikunni, sá stærsti 2,2 að stærð og tveir í Geitlandsjökli. 43 skjálftar mældust við Herðubreið og Herðubreiðartögl og 9 við Öskju, flestir í austanverðum öskjubarminum.

Mýrdalsjökull og Torfajökulssvæðið

Á Torfajökulssvæðinu mældust 8 skjálftar og 2 í Mýrdalsjökli, sá stærri 1,8 að stærð.

Nánar er hægt að skoða skjálftavirkni á landinu í href=https://skjalftalisa.vedur.is/#/page/map>Skjálfta-Lísu

Jarðvakt