	Veðurstofa Íslands Jarðeðlissvið

Jarðskjálftar 20220530 - 20220605, vika 22

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Suðurland

Á suðurlandi mældust um 60 skjálftar, um 20 mældust vestur af Raufarhólshelli en aðrir voru á víð á dreif um suðurlandið. Fimm smá skjálftar mældust í Heklu og þrír skjálftar mældust í Vatnafjöllum. Einn skjálfti mældist vestur af Heimaey og annar suðvestur af Eyjafjallajökli.

Reykjanesskagi

íflega 2000 jarðskjálftar mældust á Reykjanesskaga í vikunni, þar af hafa tæplega 750 jarðskjálftar verið handvirkt yfirfarnir þegar þetta er ritað. All flestir skjálftarnir um 1500 talsins mældust við Svartsengi og Þorbjörn og af þeim hafa um 650 skjálftar verið yfirfarnir. Nýjustu Gps mælingar og InSAR gervihnattamyndir sýna nú að landris hafi stöðvast á þessu svæði en jarðskjálftavirknin heldur áfram.

Um 40 skjálftar hafa mælst umhverfis Kleifarvatn, sá stærsti 3,2 að stærð norður af Hrútafelli. Um 40 skjálftar mældust vestan við Svartsengi og um 12 í sjó út fyrir Reykjanestá. Sá stærsti mældist 2,6 að stærð þann 31. maí.

Norðurland

Ríflega 280 skjálftar mældust úti fyrir Norðurlandi í vikunni, þar af 200 í hrinu sem varð 30-31.maí á Húsavíkur-Flateyjarmisgenginu. Stærstu skjálftinn var um 4,1 að stærð og er jafnframt stærsti skjálfti vikunnar. Um 45 skjálftar mældust á Grímseyjarbeltinu. Tveir skjálftar mældust í og við Kolbeinseyjarhrygg, sá stærri var 3,2 að stærð.

Tveir skjálftar mældust við Kröflu og 5 skjálfar við Bæjarfjall. Þá mældist einn skjálfti norður af Lækjum við Öxarfjörð.

Hálendið

Um 130 jarðskjálftar hafa verið staðsettir og yfirfarnir á Hálendinu í vikunni. Þar af voru um 60 sem mældust í Vatnajökli. Um 30 skjálftar mældust á djúpasvæðinu í Vatnajökli, fjórir í og við Grímsfjall, sex í kringum Skaftárkatlana. Einn skjálfti mældist í Kverkfjöllum sem reyndist 2 að stærð. Þá mældust um 12 skjálftar á Skeiðarárjökli og tveir í Öræfajökli. Á Lokahrygg mældust 4 skjálftar og einn norðan Grímsvatna. Fjórir skjálftar mældust í sunnanverðum Vatnajökli og 4 smáskjálftar mældust við Kverkfjöll. Einn skjálfti mældist í Langjökli þann 5.júní og annar norðaustan megin í Hofsjökli.

Um 50 skjálftar mældust við Herðubreið og Herðubreiðartögl og 20 við Öskju, flestir í austanverðum öskjubarminum. Sá stærsti mældist 1,7 að stærð.

Mýrdalsjökull

Í Mýrdalsjökli mældust tveir skjálftar í öskjunni. Tveir skjálftar mældust á Torfajökulssvæðinu, sá stærri 2,1 að stærð.

Jarðvakt