	Veðurstofa Íslands Jarðeðlissvið

Jarðskjálftar 20220613 - 20220619, vika 24

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Um 1600 jarðskjálftar mældust með SIL sjálfvirku jarðskjálftamælikerfi Veðurstofu Íslands í vikunni sem er 400 fleiri skjálftar en í síðustu viku. Af þeim hafa tæplega 800 skjálftar verið yfirfarnir. Stærsti skjálfti vikunnar var 3,9 að stærð, þann 14. júní við vesturhlíð Þorbjörns. 16. júní mældist skjálfti af stærð 3,4 um 200 km norður af Gjögurtá. Líkt og síðastliðnar vikur hefur mesta virkni vikunnar verið á Reykjanesskaga, sér í lagi við Þorbjörn. Skjálftavirkni hefur verið viðvarandi nærri Svartsengi síðan í byrjun maí en hefur tekið að minnka samhliða stöðvunar landriss við Þorbjörn. Flest virk svæði hafa sýnt einhverja jarðskjálfta virkni síðastliðna viku og má þar nefna um 50 skjálfta í Húsmúla 18. júní, um 20 smáskjálfta á Suðurlandsbrotabeltinu og 5 skjálftar í Þóreyjartungum á Vesturlandi á því svæði þar sem áberandi jarðskjálftahrina átti sér stað í janúar og febrúar fyrr á árinu. Einn smáskjálfti mældist í Heklu.

Suðurland

55 skjálftar mældust á Hengilssvæðinu, þar af flestir í smáhrinu við Húsmúla sem átti sér stað 18. júní. Stærstur þeirra var skjálfti af stærð 2,1.

Á Suðurlandsbrotabeltinu mældust tæplega 30 skjálftar og voru flestir staðsettir í Holtunum. Einn skjálfti mældist í Heklu í vikunni. Sá var 0,9 að stærð. Tveir skjálftar mældust rétt vestan Gullfoss og tveir suður af Skjaldbreið.

Reykjanesskagi Reykjaneshryggur

Tæplega 1400 skjálftar mældust í vikunni á Reykjanesi og á Reykjaneshrygg. Þar af voru tæplega 1100 skjálftar við Þorbjörn og Sundhnúkagíga. Jarðskjálftavirkni á svæðinu hafði hægt töluvert á sér frá 5. júní en tók aukinn kipp eftir að skjálfti af stærð 3,9 varð þann 14. júní. Í kjölfarið hægði aftur á skjálftavirkninni en jókst svo aftur aðeins 19. júní. Tæplega 40 skjálftar mældust 17. og 19. júní rétt austur af Kleifarvatni og um 10 skjálftar í Brennisteinsfjöllum ¿ sá stærsti 1,2 að stærð. Vestur af Kleifarvatni, í Krísuvík og við Trölladyngju mældust um 30 skjálftar, sá stærsti af stærð 2,4.

Tæplega 20 skjálftar mældust úti á Reykjaneshrygg, sá stærsti 2,7 að stærð þann 13. júní. Flestir skjálftanna voru tæpa 6 km norður af Eldey.

Norðurland

Tveir skjálftar mældust í Kröflu í vikunni, 17 við Bæjarfjall.

Á Tjörnesbrotabeltinu mældust um 40 skjálftar í vikunni sem skiptist nokkuð jafnt til helminga á Húsavíkur-Flateyjar misgengið og Grímseyjarbrotabeltið. Skjálfti af stærð 3,4 mældist um 200 km norður af landinu á Kolbeinseyjarhrygg.

Hálendið

17 skjálftar mældust í Vatnajökli í vikunni, einn í Grímsvötnum, einn í Öræfajökli, fimm ofan við Skeiðarárjökul og aðrir í Bárðarbungu og Dyngjujökuli. Stærsti skjálfti vikunnar í Vatnajökli var 2,6 að stærð í norðanverðri öskju Bárðarbungu

Tæplega 50 skjálftar mældust norðan Vatnajökuls, þar af voru 33 í eða við Öskju ¿ flestir vestan megin Öskjuvatns. Tæplega 10 skjálftar mældust við Herðubreið og Herðubreiðartögl. Tveir skjálftar mældust á Mývatnsöræfum, við Ketilhyrnur.

Í Þóreyjartungum ofan við Borgarfjörð mældust 4 skjálftar 14. júní. Tveir skjálftar mældust í eða við Langjökul, annar í vestanverður jöklinu og hinn NA við Bláfell.

Mýrdalsjökull og Torfajökulssvæðið

Tveir skjálftar mældust í vikunni í Mýrdalsjökli, báðir um eða undir 1 að stærð. Einn skjálfti mældist á Torfajökulssvæðinu.

Nánar er hægt að skoða skjálftavirkni á landinu í Skjálfta-Lísu

Jarðvakt