	Veðurstofa Íslands Jarðeðlissvið

Jarðskjálftar 20220627 - 20220703, vika 26

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Suðurland

Rúmlega 50 jarðskjálftar mældust á Suðurlandi í liðinni viku. Skjálftarnir dreifðust víða um Hengilssvæðið og Suðurlandsundirlendið. Fimm skjálftar mældust í Vatnafjöllum.

Reykjanesskagi

Um 730 skjálftar mældust á Reykjanesskaga í liðinni viku. Stærsti skjálftinn var 2,5 að stærð í smá hrinu sem var í Eldvörpum þann 30. júní. Um 315 skjálftar mældust á því svæði. Nokkur virkni var á norðan við Grindavík og við Fagradalsfjall og við Reykjanestá.

Rúmlega 45 skjálftar mældust á Reykjaneshrygg í vikunni, sá stærsti var 2,9 að stærð þann 2.júlí. Hann var hluti af um 20 skjálfta hrinu sem varð þar um kvöldið.

Norðurland

Tæplega 180 skjálftar mældust á Tjörnesbrotabeltinu í síðustu viku. Um 65 mældust austur af Gímsey, sá stræsti 2,1 að stærð. Um 85 mældust í Eyjafjarðardjúpi í smá hrinu þann 28.júní, sá stærsti mældist 3,3 að stærð. Um tugur skjálftar mældust í Öxarfirði og um fimm skjálftar út á Kolbeinseyjarhrygg.

Við Kröflu mældust þrír skjálftar og tveir vestan við Bæjarfjall.

Hálendið

Í Vatnajökli mældust tæplega 60 skjálftar. Rúmlega 20 skjálftar mældust í Bárðarbungu þar sem stærsti skjálfti vikunnar varð þann 29.júní en hann var 3,5 að stærð. Annars skjálfti 3,2 að stærð varð einnig í Bárðarbungu þann 27.júní. Fjórir skjálftar mældust á djúpasvæðinu. Um átta skjálftar mældust í Grímsvötnum og fimm skjálftar við Skaftárkatla. Þá mældust um 20 skjálftar á Skeiðarárjökli sá stærsti 1,4 að stærð.

Norðan Vatnajökuls mældust rúmlega 60 skjálftar. Stærsti skjálftinn var 2 að stærð þann 1.júlí um 3,6 km norðvestur af Öskjuvatni. Aðrir skjálftar röðuðu sér austur af Öskjuvatni og vestan megin við Herðubreiðartögl.

Rúmlega 55 jarðskjálftar mældust á Vesturlandi í vikunni sem leið, þar af um 45 í Langjökli. Stærsti skjálftinn var 2,3 að stærð þann 30. júní kl. 22:12 í vestanverðum Langjökli. Þrír skjálftar mældust í Hagafelli og þrír norður af Sandfelli. Þá mældust tveir skjálftar í Hofsjökli og tveir á Arnarvatnsheiðinni.

Mýrdalsjökull

Rúmlega 15 skjálftar mældust í Mýrdalsjökli í vikunni. Sá stærsti var 2,6 að stærð þann 2.júlí. Um sex skjálftar mældust í vestanverðri Torfajökulsöskjunni og var sá stærsti 1,6 að stærð.

Jarðvakt