	Veðurstofa Íslands Jarðeðlissvið

Jarðskjálftar 20220718 - 20220724, vika 29

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Suðurland

Ríflega 65 jarðskjálftar mældust á Suðurlandi í liðinni viku, svipaður fjöldi og í vikunni á undan. Skjálfarnir dreifðust um Hengilssvæðið, Suðurlandsundirlendið og í Vatnafjöllum. Stærsti skjálftinn mældist 2,2 að stærð þann 18.júlí, vestur af Moldadalshnúkum. Einn skjálfti mældist um 4 km vestur af Heklu.

Reykjanesskagi

Rúmlega 460 skjálftar mældust á Reykjanesskaga í vikunni, örlítið fleiri en í vikunni á undan þegar um 380 skjálftar mældust. Tveir skjálftar mældust yfir tveimur að stærð; 2,8 og 2,7. Sá fyrri varð 18.júlí, norðvestur af Þorbirni og hinn varð þann 21.júlí austur af Kleifarvatni. Skjálftavirknin dreifðist víða um skagann, en áberandi skjálftastaðir voru vestur og austur af Þorbirni, Fagradalsfjall og kringum Kleifarvatn.

Reykjaneshryggur Rúmlega 25 skjálftar mældust á Reykjaneshrygg , svipaður fjöldi og í vikunni þar á undan. Stærsti skjálftinn var 2,1 að stærð þann 24.júlí.

Norðurland

Tæplega 95 jarðskjálftar mældust á Tjörnesbrotabeltinu í vikunni, aðeins fleiri en í síðustu viku þegar um 50 skjálftar mældust . Einir 80 jarðskjálftar mældust á Grímseyjarbeltinu flestir austan við Grímsey og síðan í Öxarfirði. Stærsti skjálftinn þar var 2.7 að stærð þann 23.júlí. Um tíu skjálftar mældust á Húsavíkur-Flateyjar misgenginu, allir innan við 2 að stærð. Tveir skjálftar mældust út á Kolbeinseyjarhrygg, sá stærri var 3.2 að stærð. Þrettán smáskjálftar mældust á við Kröflu allir undir 1 að stærð.

Hálendið

Í heildina mældust 80 skjálftar á hálendinu. Um 30 skjálftar mældust í og við Vatnajökul. Í Bárðarbungu mældust 13 skjálftar en þar voru jafnframt stærstu skjálftar vikunnar, þeir voru 4.9 að stærð og 4.4 að stærð þann 24.júlí. Þá mældust þrír skjálftar í og við Grímsvötn og fimm við Öræfajökul, aðrir skjálftar dreyfðu sér við Skeiðarárjökul og Síðujökul.

Norðan Vatnajökuls mældust um 50 jarðskjálftar, sá stærsti 2, 5 að stærð. Í heildina mældust 19 skjálftar við Öskju. Aðrir skjálftar dreyfðu sér í kringum Herðubreið, Herðubreiðartögl og Vikursand.

Vestra gosbeltið Rúmlega 20 skjálftar mældust í og við Langjökul. Rúmlega níu skjálftar mældust við Sandfell, sá stærsti 2.6 að stærð þann 23.júlí.

Tveir skjálftar mældust nærri Grjótavatni sá stærri 2 að stærð.

Mýrdalsjökull

Rúmlega 20 skjálftar mældust í Mýrdalsjökli, flestir innan öskjunnar. Stærsti skjálftinn var 2.8 að stærð þann 21.júlí klukkan 04:36. Þá mældist einn skjálfti suðvestur af Eyjafjallajökli.

Tveir skjálftar mældust á Torfajökulssvæðinu og einn suðaustur af Tindfjallajökli. Fjórir skjálftar mældust um 20 km norðaustur af Tindfjöllum.

Jarðvakt