	Veðurstofa Íslands Eftirlits og spársvið

Jarðskjálftar 20220822 - 20220828, vika 34

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Um 650 jarðskjálftar mældust í liðinni viku með SIL jarðskjálftamælikerfi Veðurstofu Íslands, þetta eru heldur fleyri skjálftar en í vikunni á undan þegar mældust um 560 jarðskjálftar. Ekki hefur sést kvika á yfirborði frá eldgosinu sem hófst 3. ágúst í norðanverðum Meradölum frá 21. ágúst og jafnframt hætti eldgosaórói að greinast þann sama dag. Mest jarðskjálftavirkni var áfram á Reykjanesskaganum og dreifðist virknin þar í þyrpingar. Stæsti skjálfti vikunnar af stærð 3,3 mældist 28. ágúst á Spar misgenginu um 130km norður af Kolbeinsey.

Suðurland

Um það bil 30 skjálftar mældust á Suðurlandi í síðustu viku. Fimm skjálftar mældust á Hengilssvæðinu en flestir skjálftann dreifðust um Suðurlandsbrotabeltið. Þá mældust fjórir skjálfar í Vatnafjöllum og tveir skjálftar um 3 km austur af Heklu.

Reykjanesskagi

Reykjanesskaga mældust rúmlega um 420 jarðskjálftar í vikunni. Sjö jarðskjálftar mældust 2,0 eða stærri og mældist stærsti skjálftinn 2,7 að stærð 22. ágúst við Kleyfarvatn. Skjálftarnir dreifðu sér um skagann í þyrpingum, 7 skjálftar mældust austnorðaustan við Brennisteinsfjöll, stærstur af þeim mældist 1,5 að stærð þann 23. ágúst. Um 50 jarðskjálftar mældust umhverfis Kleyfarvatn, um 20 í Móhálsárdal. Um 25 við Driffelshraun. Um 130 jarðskjálftar voru staðsettir milli Keilis og Fagradalsfjalls og tæplega 60 skjálftar á milli Stóra-Skógarfells og Húsafells, austan Grindavíkurbæjar. Umhverfis Reykjanaestá mældust tæplega 80 jarðskjálftar stærsti af þeim mældist 2,4 að stærð þann 28. ágúst. Fimm skjálftar mældust úti á Reykjaneshrygg þann 27. ágúst og mældist stærsti skjálftinn þar 3,1 að stærð, um 220 km suðvestur af landi.

Norðurland

Úti fyrir Norðurlandi voru staðsettir tæplega 130 jarðskjálftar, stærstu skjálftarnir mældust á Spar misgenginu um 130km norður af Kolbeinsey 28. ágúst og var stærstur af þeim 3,3 að stærð. Rúmir 70 jarðskjálftar mældust í Öxarfirði, tæpir 20 skjálftar á Grímseyjarbeltinu. Rúmlega 20 jarðskjálftar mældust á Húsavíkur Flateyjarmisgenginu og 7 aðrir á Eyjafrarðarál. Fjórir jarðskjálftar mældus við Kröflu og var sá stærsti 2,0 að stærð, 23. ágúst. Einn smáskjálfti mældist á Tröllaskaga.

Hálendið

Í heildina mældust um 4 tugir jarðskjálfta á hálendinu. Sem er svipaður fjöldi og í vikunni á undan. Um 15 jarðskjálftar mældust í Vatnajökli, 1 í Bárðarbungu af stærð 2,4 þann 25. ágúst. Tveir skjálftar mældust við Grímsvötn en um 7 skjálftar við sigkatla í jöklinum. Einn skjálfti mældist í Kverkfjöllum af stærð 2,1 þann 26. ágúst. Á norðanverðu hálendinum mældust 12 skjálftar umhverfis Öskjuvatn allir minni en 1,5 að stærð. Aðrir 6 smáskjáftar mældust við Herðubreið og vestan við Herðubreiðartögl. Á vestanverðu hálendinu mældust 7 skjálftar, þar af 2 í Langjökli annar austan meginn norðan við Skriðufell og hinn vestanmeginn í Geitlandsjökli, Aðrir 2 jarðskjálftar mældust sunnan við Jökulinn. Rúmlega 10km vestan við Ok mældust svo 3 skjálftar.

Mýrdalsjökull

Fjórir jarðkjálftar mældust í Mýrdalsjökli í liðinni viku, flestir innan öskjunnar. Stærsti skjálftinn var 1,3 að stærð þann 23.ágúst. Þrír skjálftar mældust á Torfajökulssvæðinu allir litlir. Einar Hjörleifsson, náttúruvársérfræðingur á vakt.

Jarðvakt