	Veðurstofa Íslands Jarðeðlissvið

Jarðskjálftar 20220905 - 20220911, vika 36

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Suðurland

Um það bil 20 skjálftar mældust á Suðurlandi í síðustu viku. Þeir voru nokkuð dreifðir um suðurlandið. Fjórir skjálftar mældust á Hengilssvæðinu en stærsti skjálftinn mældist 2.1 að stærð þann 11.september. Einn skjálfti mældist í Vatnafjöllum og einn í Heklu sem reyndist 1.5 að stærð.

Reykjanesskagi

Á Reykjanesskaga mældust rúmlega um 430 jarðskjálftar með sjálfvirka kerfinu í vikunni sem er svipaður fjöldi og í síðustu viku en búið er að yfirfara um 315 skjálfta. Virknin var nokkuð dreifð um skagann en um 140 skjálftar mældust á milli Keilis og Fagradalsfjalls, stærsti skjálftinn mældist 3.5 að stærð þann 6.september rúmlega 1 km suðvestur af Keili. Þá mældust um 60 smáskjálftar við Bláfjöll, 110 smáskjálftar við Eldvarparhraun og um 20 skjálftar á Reykjanestá, stærsti skjálftinn mældist 2.3 að stærð þann 5.september.

Um 10 skjálftar mældust á Reykjaneshrygg, stærsti skjálftinn mældist 2.5 að stærð þann 8.september.

Norðurland

Alls mældust um 5580 skjálftar við Grímey í síðastliðinni viku í hrinu sem byrjaði þann 8.september. Af þeim er búið að yfirfara um 340 skjálfta. Stærsti skjálftinn mældist þann 8.september klukkan 04:01 og reyndist hann 4.9 að stærð. Þó nokkrar tilkynningar bárust um að skjálftinn hefði fundist víðsvegar á norðurlandi. Alls hafa um 145 skjálftar mældist yfir 3 að stærð og um 5 yfir 4 að stærð. Um 20 skjálftar mældust í Eyjafjarðardjúpi og 3 út á Kolbeinseyjarhrygg.

Hálendið

Í heildina mældust um 35 jarðskjálfta á hálendinu. Sem er svipaður fjöldi og í vikunni á undan. Um 10 jarðskjálftar mældust í Vatnajökli, 3 í Bárðarbungu sá stærsti af stærðinni 2,8, þann 11.september Tveir skjálftar mældust suður af Skaftárkötlunum og tveir smáskjálftar við djúpasvæðið. Þrír skjálftar mældust í Öræfajökli.

Um 10 skjálftar mældust við Öskju, sá stærsti 2.1 að stærð þann 10.september, vestur í Öskjuvatni. Um sex smáskjálftar mældust í kringum Herðubreið, tveir við Kröflu og einn við Litlu-Kröflu.

Um fimm skjálftar mældust á Langjökli, einn norður af Sandfelli og sex við Grjótarvatn.

Mýrdalsjökull

Um 10 jarðkjálftar mældust í Mýrdalsjökli í liðinni viku, flestir innan öskjunnar. Stærsti skjálftinn mældist 2.3 að stærð þann 10.september. Um 10 skjálftar mældust mældust á Torfajökulssvæðinu og var stærsti skjálftinn 3.1 að stærð þann 6.september, næst stærsti skjálftinn mældist í suður Torfajökli og reyndist hann 2 að stærð.

Jarðvakt