	Veðurstofa Íslands Jarðeðlissvið

Jarðskjálftar 20220912 - 20220918, vika 37

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Rúmlega 6700 jarðskjálftar mældust í liðinni viku með sjálfvirka SIL jarðskjálftamælikerfi Veðurstofu Íslands, þar af hafa um 870 skjálftar verið yfirfarnir. Þetta eru heldur færri skjálftar en í vikunni á undan þegar um 6900 jarðskjálftar mældust. Hrinan við Grímsey er ennþá í gangi, en dregið hefur úr virkni síðustu daga. Stærsti skjálfti vikunnar mældist 12. septmeber kl. 01:05 austur af Grímsey en hann reyndist 4,2 að stærð. 13 skjálftar yfir 3 að stærð hafa mælst á sama svæði í vikunni. Tveir smáskjálftar mældust í Heklu.

Suðurland

Um það bil 40 skjálftar mældust á Suðurlandi í síðustu viku, miðað við 20 vikuna á undan. Þeir voru nokkuð dreifðir um suðurlandið. Nokkrir skjálftar mældust við Raufarhólshelli, sá stærsti 2,1 að stærð. Tveir smáskjálftar mældust í Heklu sem reyndust 0,5 og 1,1 að stærð.

Reykjanesskagi

Á Reykjanesskaga mældust rúmlega um 320 jarðskjálftar með sjálfvirka kerfinu í vikunni sem er færri en í síðustu viku, en búið er að yfirfara um 280 skjálfta. Virknin var nokkuð dreifð um skagann en um 90 smáskjálftar mældust á milli Keilis og Fagradalsfjalls, stærsti skjálftinn þar mældist 1,1 að stærð. Þá mældust um 50 smáskjálftar við Bláfjöll, 30 smáskjálftar við Eldvarparhraun og um 25 skjálftar á Reykjanestá. Stærsti skjálftinn á Reykjanesskaga í vikunni var 2,5 að stærð, þann 16. september kl. 11:08.

Um 30 skjálftar mældust á Reykjaneshrygg, stærsti skjálftinn mældist 2,0 að stærð þann 17. september.

Norðurland

Alls mældust um 6200 skjálftar við Grímsey í siðastliðinni viku, í hrinu sem byrjaði þann 8. september. Þetta eru mun fleiri en í siðustu viku, þegar 5580 skjálftar mældust. Af þeim er búið að yfirfara um 460 skjálfta. Stærsti skjálftinn mældist þann 12. september kl. 01:05 og reyndist hann vera 4,2 að stærð. Nokkrar tilkynningar bárust um að skjálftinn hefði fundist á norðurlandi. Alls hafa 12 skjálftar mældst yfir 3 að stærð og einn yfir 4 að stærð, í vikunni. Nokkrir skjálftar hafa mælst á Húsavíkur - Flateyjarmissgenginu. Í Öxarfirði mældust um 80 smáskjálftar, sem eru partur af hrinunni við Grímsey. Við Kröflu mældust tveir smáskjálftar og lika við Bæjarfjall.

Hálendið

Í heildina mældust um 65 jarðskjálftar á hálendinu, sem er um helmingi fleiri en í vikunni á undan. Um 15 jarðskjálftar mældust í Vatnajökli, þar af tveir í Bárðarbungu, sá stærri af stærðinni 2,6 þann 15. september. Þrír skjálftar mældust austur af Hamrinum, sá stærsti 2,6 að stærð og einn smáskjálfti við djúpa svæðið austur af Bárðarbungu. Fimm smáskjálftar mældust við Grímsvötn, sá stærsti 1,4 að stærð.

Um 10 skjálftar mældust við Öskju, sá stærsti 1,4 að stærð og 20 smáskjálftar mældust í kringum Herðubreið.

Tæplega tugur skjálfta mældist austur af Hagavatni, sá stræsti 2,2 að stærð.

Mýrdalsjökull

Tæplega 20 jarðkjálftar mældust í Mýrdalsjökli í liðinni viku, flestir innan öskjunnar. Stærsti skjálftinn mældist 2,9 að stærð þann 14. september.

Jarðvakt