	Veðurstofa Íslands Jarðeðlissvið

Jarðskjálftar 20221010 - 20221016, vika 41

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Suðurland

Rúmlega 20 skjálftar mældust á Suðurlandi í síðustu viku, sem er svipað og í fyrri viku. Þeir voru nokkuð dreifðir um Suðurlandsundirlendið. Einn skjálfti mældist við Skálafell á Hellisheiði 2.6 að stærð þann 11. október. Fimm skjálftar mældust í Henglinum, sá stærsti 1.5 að stærð, þrír skjálftar mældust vestur af Stangarhálsi og einn smáskjálfti í Vatnafjöllum.

Reykjanesskagi

Á Reykjanesskaga mældust tæplega 240 jarðskjálftar með sjálfvirka SIL mælikerfinu í liðinni viku sem er svipaður fjöldi og í síðustu viku, af þeim hafa um 140 skjálftar verið yfirfarnir. Virknin var nokkuð dreifð um skagann en um 20 skjálftar mældust á milli Keilis og Fagradalsfjalls, stærsti skjálftinn þar mældist 2 að stærð þann 12.október. Þá mældust um 20 smáskjálftar norðvestan við Þorbjörn og um 45 skjálftar milli Kleifarvatns og Núpshlíðarháls. Rúmlega 10 smáskjálftar mældust í og við Húsafell

Um 120 skjálftar mældust á Reykjaneshrygg í vikunni sem er tölvert fleiri en í síðustu viku þegar um 25 skjálftar mældust. Þessi aukning er vegna hrinu sem hófst 16.október, stærsti skjálftinn mældist kl.22:11 og reyndist hann4.4 að stærð. Alls hafa um 13 skjálftar mælst yfir 3 að stærð. Þá mældust nokkrir smáskjálftar við Reykjanestánna.

Norðurland

Alls mældust um 310 skjálftar á Tjörnesbrotabeltinu í síðastliðinni viku sem er heldur meira en í síðustu viku þegar um 90 skjálftar mældust, af þeim eru um 180 skjálftar yfirfarnir. Þetta er einna helst vegna aukinnar virkni austur af Grímsey. Stærsti skjálftinn mældist þar þann 13.október og reyndist 3.5 að stærð. Rúmlega 10 skjálftar mældust í Öxarfirði og um 8 smáskjálftar á Húsavíkur og Flateyjarmisgenginu.

Við Kröflu mældust sjö skjálftar sá stærsti 1.9 að stærð, einn skjálfti mældist við Mýraröxl og einn norðvestur af Bæjarfjalli.

Hálendið

Alls mældust um 120 jarðskjálftar á hálendinu sem eru nokkuð fleiri en í vikunni á undan þegar um 65 skjálftar mældust. Rúmlega 35 jarðskjálftar mældust í Vatnajökli en þeir voru nokkuð dreifðir um jökulinn. Þrír skjálftar mældust í Bárðarbungu, sá stærsti var 2.1 að stærð þann 13. október. Fjórtán skjálftar mældust í og við Grímsvötn, sá stærsti mældist 2,4 að stærð kl. þann 15. október. Hlaup hófst í Grímsvötnum þann 5. október og náði toppi í Gígjukvísl þann 16. október. Tveir skjálftar mældust á djúpasvæðinu, einn í vestur af vestri Skaftárkatli, þrír skjálftar mældust norðvestur af Þórðarhyrnu og átta skjálftar mældust í og við Öræfajökul, sá stærsti 1.4 að stærð.

Um 25 skjálftar mældust við Öskju, sá stærsti 1,4 að stærð, þann 14. október. Um 50 skjálftar mældust í kringum Herðubreið og austur af Herðubreiðartöglum, sá stærsti mældist 2 að stærð þann 14.október. Þrír skjálftar mældust suðvestur af Miðöldu, einn vestur af Jökulgrindum, einn norður af Þórisvatni og tveir vestur af Langjökli, sá stærri mældist 2 að stærð.

Mýrdalsjökull

Rúmlega 30 jarðkjálftar mældust í Mýrdalsjökli í liðinni viku, heldur fleiri en í vikunni á undan þegar um 4 mældust. Flestir mældust austan megin í öskjunni í smá hrinu þann 16.október, stærsti skjálftinn mældist kl 11:50 og reyndist hann 3.8 að stærð. Tveir skjálftar mældust á Torfajökulssvæðinu, sá stærsti mældist 1.7 að stærð þann 13.október.

Jarðvakt