	Veðurstofa Íslands Jarðeðlissvið

Jarðskjálftar 20221024 - 20221030, vika 43

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Suðurland

Um 70 skjálftar mældust á Suðurlandi vikunni, sem er svipaður fjöldi og í síðustu viku. Þeir voru nokkuð dreifðir um Suðurlandsundirlendið. Lítil hrina varð við Raufarhólshelli og mældust um 45 skjálftar þar, stærsti skjálftinn reyndist 2.5 að stærð þann 26.október. Um 9 sjálftar mældust í og við Hengil og var stærsti skjálftinn 2.2 að stærð. Einn skjálfti mældist í Vatnafjöllum.

Reykjanesskagi

Á Reykjanesskaga mældust rúmlega 200 jarðskjálftar með sjálfvirka SIL mælikerfinu í liðinni viku af þeim hafa um 150 skjálftar verið yfirfarnir. Þetta eru færri skjálftar heldur en í síðustu viku þegar um 330 skjálftar mældust. Virknin var nokkuð dreifð um skagann en um 40 smáskjálftar mældust á milli Keilis og Fagradalsfjalls, stærsti skjálftinn þar mældist 1 að stærð þann 29.október. Þó nokkrir skjálftar voru vestur af Kleifarvatni og norðvestur af Þorbirni. Stærsti sjálfti vikunnar á Reykjanesskaganum var 1.6 að stærð þann 30.október og var hann staðsettur suður af Tjaldstæðagjá.

Um 50 skjálftar mældust á Reykjaneshrygg í vikunni sem er tölvert færri en í síðustu viku þegar um 180 skjálftar mældust. Stærsti skjálftinn mældist 30.október og var hann 2.7 að stærð.

Norðurland

Alls mældust um 300 skjálftar á Tjörnesbrotabeltinu í síðastliðinni viku sem er færri en síðustu viku þegar að 480 skjálftar mældust, af þeim eru um 180 skjálftar yfirfarnir. Stærsti skjálftinn mældist þar þann 27.október og reyndist 4 að stærð. Rúmlega 10 skjálftar mældust í Öxarfirði og um 4 smáskjálftar á Húsavíkur og Flateyjarmisgenginu.

Við Kröflu mældust um 9 skjálftar sá stærsti 1.4 að stærð, sjö smáskjálftar mældust í kringum Bæjarfjall og þrír skjálftar norður af Húsavík. Tveir smáskjálftar mældust við Vestursand við Öxarfjörð.

Hálendið

Alls mældust um 3700 jarðskjálftar á hálendinu sem eru heldur fleiri en í vikunni á undan þegar um 1370 skjálftar mældust. Þetta er einna helst vegna hrinu sem hófst við Herðubreið þann 22.otóber en alls mældust 3400 skjálftar norður og vestur af Herðubreið. Af þeim hafa um 855 skjálftar verið yfirfarnir. Stærsti skjálftinn mældist 3 að stærð þann 26.október. Um 50 skjálftar mældust við Öskju, sá stærsti 2.5 að stærð, þann 24. október. Fjórir sjálftar mældust um 6 km norður af Ytri-Dyngjufjöllum.

Tæplega 40 jarðskjálftar mældust í Vatnajökli en þeir voru nokkuð dreifðir um jökulinn. Þrír skjálftar mældust í Bárðarbungu, sá stærsti var 3 að stærð þann 29. október. Tveir skjálftar mældust á djúpasvæðinu. Tólf skjálftar mældust í og við Grímsvötn, sá stærsti mældist 2,4 að stærð þann 28. október. Fjórir skjálftar mældust í kringum Skaftárkatlana, sá stærsti 2 að stærð. Tveir skjálftar mældust í Öræfajökli.

Sex skjálftar mældust á og umhverfis Langjökul og rúmlega 15 skjálftar mældust vestur af Þórisjökli, sá stærsti 1.5 að stærð.

Mýrdalsjökull

Rúmlega 15 jarðkjálftar mældust í Mýrdalsjökli í liðinni viku, sem er svipaður fjöldi og í síðustu viku, flestir skjálftar mældust innan öskjunnar. Stærsti skjálftinn mældist þann 24.október og reyndist 3.7 að stærð. Fimm skjálftar mældust á Torfajökulssvæðinu, sá stærsti mældist 2.1 að stærð þann 26.október.

Jarðvakt