	Veðurstofa Íslands Jarðeðlissvið

Jarðskjálftar 20221031 - 20221106, vika 44

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Tæplega 1800 jarðskjálftar mældust í liðinni viku með sjálfvirka SIL jarðskjálftamælikerfi Veðurstofu Íslands, af þeim hafa um 800 skjálftar verið yfirfarnir. Þetta eru mun færri skjálftar en í síðustu viku þegar 4500 skjálftar mældust. Dregið hefur úr hrinum við Herðubreið og Grímsey. Stærsti skjálfti vikunnar mældist þann 31. október kl. 14:57 og var hann 4,2 að stærð, staðsettur í Bárðarbungu.

Suðurland

Rúmlega 30 jarðskjálftar mældust á Suðurlandi vikunni, mun færri en í síðustu viku, þegar 70 skjálftar mældust þar. Meirihluti skjálftanna var dreifður um vestanvert Suðurlandsundirlendið, einkum á Hengilssvæðinu. Stærsti skjálftinn var 2,0 að stærð, rétt austan við Hestfjall, þann 6. nóvember kl. 23:21. Enginn skjálfti mældist í Heklu.

Reykjanesskagi

Á Reykjanesskaga mældust rúmlega 200 jarðskjálftar með sjálfvirka SIL mælikerfinu í liðinni viku og af þeim hafa um 180 skjálftar verið yfirfarnir. Þetta eru álíka margir og í síðustu viku. Virknin var nokkuð dreifð um skagann, en um helmingur skjálftanna mældist á milli Keilis, Fagradalsfjalls og Krýsuvíkur. Stærsti skjálftinn þar mældist 1,6 að stærð þann 31. október. Þó nokkrir skjálftar mældust vestur af Þorbirni. Stærsti sjálfti vikunnar á Reykjanesskaganum var 1,9 að stærð þann 1. nóvember og var hann staðsettur suður af Grindavík. Rúmlega 20 smáskjálftar mældust við Hrossahryggi í Bláfjöllum.

Um 25 skjálftar mældust á Reykjaneshrygg í vikunni sem er færri en í síðustu viku þegar 50 skjálftar mældust þar. Stærsti skjálftinn mældist 6. nóvember kl 23:26 og var hann 2,1 að stærð.

Norðurland

Alls mældust um 160 jarðskjálftar á Tjörnesbrotabeltinu í síðastliðinni viku sem er tæplega helmingi færri en í fyrri viku þegar 300 skjálftar mældust þar. Af þeim eru um 90 skjálftar yfirfarnir. Flestir skjálftar mældust í hrinunni á Grímseyjarbeltinu sem heldur áfram. Stærsti skjálftinn mældist þann 3. nóvember, um 30 km ASA af Grímsey og reyndist 3,2 að stærð. Rúmlega 15 smáskjálftar mældust í Öxarfirði og um þrír skjálftar á Húsavíkur-Flateyjar misgenginu, sá stærsti 2,5 að stærð, þann 3. nóvember rétt vestur af Flatey.

Við Kröflu mældust tveir smáskjálftar og í kringum Bæjarfjall mældust um 20 skjálftar, sá stærsti 2,2 að stærð, þann 1. nóvember kl. 13:14.

Hálendið

Alls mældust tæplega 1300 jarðskjálftar á hálendinu sem eru mun færri en í vikunni á undan þegar um 3700 skjálftar mældust. Af þeim hafa um 450 skjálftar verið yfirfarnir. Stærsti skjálftinn mældist 4,2 að stærð í Bárðarbungu, þann 31.október kl. 14:57. Dregið hefur úr hrinunni við Herðubreið, en alls mældust tæplega 1200 skjálftar þar, af þeim eru um 400 yfirfarnir. Stærsti skjálfti hrinunnar mældist 3,2 að stærð, þann 31. október. Tæplega 30 skjálftar mældust við Öskju, sá stærsti 1,5 að stærð, þann 6. nóvember. Einn smáskjálfti mældist um 6 km norður af Ytri-Dyngjufjöllum.

Tæplega 40 jarðskjálftar mældust í Vatnajökli. Um tíu skjálftar mældust í Bárðarbungu, sá stærsti var 4,2 að stærð þann 31. október, kl. 14:57 en hann var jafnframt stærsti skjálfti vikunnar. Tveir skjálftar mældust í Kverkfjöllum og einn á djúpa svæðinu suðaustur af Bárðarbungu. Tíu skjálftar mældust í og við Grímsvötn, sá stærsti 1,6 að stærð þann 4. nóvember. Einn smáskjálfti mældist í Öræfajökli.

Einn skjálfti mældist við Hafrafell, vestan við Langjökull og mældist sá 1,8 að stærð.

Mýrdalsjökull

Rúmlega 20 jarðskjálftar mældust í Mýrdalsjökli í liðinni viku, sem er örlítið fleiri en í síðustu viku. Flestir skjálftarnir mældust innan suðausturhluta Kötluöskjunnar. Stærsti skjálftinn mældist þann 5. nóvember og reyndist 2,0 að stærð. Sex skjálftar mældust í Eyjafjallajökli og þrír skjálftar á Torfajökulssvæðinu, sá stærsti 2,1 að stærð þann 2. nóvember kl. 20:47.

Jarðvakt