	Veðurstofa Íslands Jarðeðlissvið

Jarðskjálftar 20221107 - 20221113, vika 45

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Tæplega 600 jarðskjálftar mældust í liðinni viku með sjálfvirka SIL jarðskjálftamælikerfi Veðurstofu Íslands. Það er um þriðjungur af þeim fjölda skjálfta sem mældust í síðustu viku. Áberandi virkni þessa vikuna var m.a. jarðskjálftahrina við Herðubreið sem hefur hófst síðla í október en sú virkni hefur dregið umtalsvert saman síðustu tvær vikur. Önnur áhugaverð virkni þessa vikuna eru um 14 skjálftar í Grímsvötnum, þar af mældist stærsti skjálftinn 2,2 árla morguns 8. nóvember. Einnig mældust nokkrir skjálftar í Útbruna, norður af Dyngufjöllum og einn skjálfti mældist rétt vestur af Surtsey. Einungis einn skjálfti mældist yfir 3 að stærð í vikunni og var hann 3,2 að stærð á Hellisheiði þann 9. nóvember. Enginn skjálfti mældist í Heklu í liðinni viku.

Suðurland

Á Hengilssvæðinu mældust 13 skjálftar, flestir á Hellisheiði við Hverahlíð. Þar var einnig stærsti skjálfti vikunnar, M3.2. Sá skjálfti fannst á höfuðborgarsvæðinu.

Um 20 skjálftar mældust á Suðurlandsbrotabeltinu, þar af 5 skjálftar í Hestfjalli 10. nóvember. Aðrir skjálftar voru nokkuð dreifðir. Einn skjálfti mældist um 2 km NV af Surtsey og var 2,0 að stærð.

Reykjanesskagi

Á Reykjanesskaga mældust ríflega 130 jarðskjálftar. Það er nokkru færra en í síðustu viku þegar um 200 skjálftar mældust. Virknin var nokkuð jafndreifð um skagann þó þéttasta virknin hafi verið í norðanverðum kvikugangi undir gossvæðinu við Fagradalsfjall. Stærsti skjálfti vikunnar á skaganum var 2,6 að stærð í Grindavík.

Um 10 skjálftar mældust á Reykjaneshrygg í vikunni, flestir rétt úti fyrir Reykjanestá.

Norðurland

Alls mældust um 70 skjálftar á Tjörnesbrotabeltinu í síðastliðinni viku sem er tæplega 100 færri en vikuna áður. Flestir skjálftar mældust í áframhaldandi hrinuni á Grímseyjarbrotabeltinu. Stærsti skjálftinn mældist þann 8. nóvember, á miðju beltinu, 2,4 að stærð. 6 smáskjálftar mældust á Húsavíkur-Flateyjar misgenginu og einn í mynni Eyjafjarðar.

Við Kröflu mældust fimm smáskjálftar og einn við Bæjarfjall. Einn skjálfti mældist um 10 km austur af Búrfelli á Mývatnsöræfum.

Hálendið

Tæplega 30 skjálftar mældust í Vatnajökli, þar af 14 í og við Grímsvötn. Aðrir skjálftar voru; tveir í Kverkfjöllum, tveir í Bárðarbungu, tveir í Hamrinum, þrír SV af Hábungu, þrír í Skeiðárjökli, einn í Öræfajökli og einn vestan við Jökulsárlón.

Tæplega 300 skjálftar mældust norðan við Vatnajökul, þar af var langmest virkni við Herðubreið þar sem skjálftavirkni hefur verið viðvarandi síðan í október. Alls voru þeir um 240 skjálftarnir, í og við Herðubreið og Herðubreiðartögl. 9 skjálftar mældust við Öskju og var sá stærsti 2,5 að stærð. Einn skjálfti mældist vestan við Trölladyngju og annar vestan við Dyngjufjöll. 14 skjálftar mældust í Útbruna norður af Dyngjufjöllum.

Á Vesturlandi mældist einn skjálfti rétt norðan við Grjótárdal. Þrír skjálftar mældust tæplega 9 km vestur af Geysi, einn skjálfti mældist í Krókslóni og einn skjálfti mældist í miðjum Langjökli. Allir þessir skjálftar var undir 2 að stærð.

Mýrdalsjökull

5 skjálftar mældust á Torfajökulssvæðinu og einn skjálfti mældist í sunnanverðum Eyjafjallajökli. 10 skjálftar mældust í Mýrdalsjökli í síðustu viku, þar var stærstur skjálfti af stærð 2,6 í norðanverðri Kötluöskju og næstur 2,4 í sunnanverðri öskjunni. Aðrir skjálftar voru undir 2 að stærð.

Jarðvakt