	Veðurstofa Íslands Jarðeðlissvið

Jarðskjálftar 20221128 - 20221204, vika 48

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Um 735 jarðskjálftar mældust í viku 48 með SIL sjálfvirku staðsetningarkerfi Veðurstofu Íslands. Af þeim hafa um 500 jarðskjálftar verið yfirfarnir. Þetta er u.þ.b. tvöldun á virkni frá því í vikunni á undan þar sem aðeins 380 jarðskjálftar mældust. Fjórir skjálftar mældust af stærð 3,0 eða stærri. Þann 29 nóvember kl. 01:09 mældist jarðskjálfti í norðurrima Bárðarbunguöskjunnar af stærð 3,8, þá mældist kl. 01:28 jarðskjálfti í miðjum Mýrdalsjökli 3,0 að stærð. 30. nóvember kl. 06:23 mældist skjálfti 3,8 að stærð á SPAR misgenginu svokallaða um 230 km norður af Rauðanúpi á Melrakkasléttu og svo þann 3 desember kl. 12:49 mældist skjálfti úti á Reykjanestá 3,5 að stærð.

Virkni við Herðubreið hélt áfram í vikunni en stöðvaðist um tíma þann 30. nóvember en tók sig svo aftur upp degi síðar þann 1. desemeber og hafa alls mælst þar tæplega 370 jarðskjálftar með sjálfvikri staðsetningu, um 260 þeirra hafa verið handvirkt yfirfarnir. Skjálftar hafa mældst við allar helstu eldstöðvar landsins auk þess mældist einn skjálfti 2,6 að stærð norðaustan við Grjótarvatn á vesturlandi.

Suðurland

Á Suðurlandi mældust um 30 jarðskjálftar í liðinni viku. Fimm skjálftar mældust á Hengilssvæðinu og þar mældist stærsti skjálftinn á Suðurlandi af stærð 2,0 aðrir skjálftar þar mældust undir 1,5 að stærð. Tæpur tugur smáksjálfta í námunda við Raufarhólshelli. 6 jarðskjálftar voru staðsettir á suðurlandsbrotabeltinu, aðrir 6 mældust í vatnafjöllum og 2 jarðskjálftar mældist í Heklu sitthvorn daginn 30. nóv og 3. des. báðir litlir um 1,0 að stærð.

Reykjanesskagi

Á Reykjanesskaga og -hrygg mældust um120 jarðskjálftar sjálfvirkt og hafa um 100 þeirra verið yfirfarnir þetta eru heldur fleyrri jarðskjálftar en í vikunni á undan. Mest virkni mældist við Reykjanestá þann 3 desemeber en þar mældust tæplega 40 jarðskjálftar og einn þeirr mældist 3,5 að stærð. Um tveir tugir skjálfta mældust í námunda við Þorbjörn, stærsti 2,3 að stærð, aðrir minni. Aðrir tveir tugir mældust við Keili. Aðrir skjálftar dreifðust meira og þar af voru 7 smáskjálftar sem mædust dreifðir um Lambafellshraun vestan við Þrengslaveg. Fimm jarðksjálftar mældust úti á Reykjaneshrygg.

Norðurland

Alls mældust um 40 jarðskjálftar úti fyrir Norðurlandi í liðinn viku ar sem rúmlega 30 hafa verið handvirkt yfirfarnir. Flestir skjálftanna mældist á Grímseyjarbeltinu, en fimm skjálftar mældust á Hústavíkur-Flateyjarmisgenginu. Stærsti skjálftinn mældist 3,8 að stærð 30. nóvember kl. 06:23 á SPAR misgenginu svokallaða um 230 km norður af Rauðanúpi á Melrakkasléttu.
Við Kröflu mældust tveir jarðskjálftar og fimm við Þeistareyki. Einn smá skjálfti mældist í Heilagsdalsfjalli.

Hálendið

Tæplega 480 jarðskjálftar mældust sjálfvirkt á öllu hálendinu þessa vikuna og hafa verið yfirfarnir 325 þeirra, langflestir í og við Herðubreið en um 270 yfirfarina skjálfta voru staðsettir þar í 4-5 þyrpingum. Flestir skjálftanna við Herðubreið hafa verið undir 2,5 að stærð en þó mældist einn skjálfti þar 2,7 að stærð 1. desember. Við öskju mældust um 16 jarðskjálftar, stærstur af þeim mædlist 2,4 að stærð þann 3 .desember.
Í Vatnajökli hafa verið staðsettir rúmlega 30 jarðskjálftar, stærsti mældist í Bárðarbungu 3,8 að stær þann 29. nóvember við norðurriman. Bárðarbunguöskjunnar, en alls voru staðsettir 3 skjálftar þar innan við. Í Grímsvötnum mældust 11 jarðskjálftar, þar af 2 af 1,8 að stærð, 29. og 30. nóvember. Átta skjálftar mældust í Öræfajökli, stærstur þeirra mældist 2,0 að stærð. Við vestari skaftárketilinn mældust 2 skjálftar og þar vestan við mældust aðrir 4. Í Gjáfjöllum mældist skjálfti 2,3 að stærð.
Við Langjökukl mældust 7 jarðskjálftar, þar af þrír í Flosaskarði suðvestan við Eiríksjökul. Einn skjálfti mædist í sunnan verðum Langjökli skjálfum og aðrir 3 rétt sunnan við Vestari Hagafellsjökul.

Mýrdalsjökull

Um tugur jarðskjálfta mældust innan Kötluöskjunnar í liðinni viku, sem er mun minni virkni en í vikunni á undan þegar tæplega 40 skjálftar mældust þar. Stærsti skjálftinn mældist 29. nóvember kl. 01:28 í miðjum Mýrdalsjökli hann var 3,0 að stærð.
Um 4 skjálftar mældust á Torfajökulssvæðinu sunnan Landmannalauga.

Vesturland

Einn skjálfti 2,6 að stærð norðaustan við Grjótarvatn á vesturlandi.

Jarðvakt