	Veðurstofa Íslands Jarðeðlissvið

Jarðskjálftar 20221212 - 20221218, vika 50

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Suðurland

Á Suðurlandi mældust rúmlega 40 jarðskjálftar í liðinni viku og voru þeir nokkuð dreyfðir. Sex skjálftar mældust norður af Þrengslahnúk, þrír smáskjálftar í Henglinum og fjórir vestur af Stórastein. Einn skjálfti mældist í Vatnafjöllum.

Reykjanesskagi

Á Reykjanesskaga mældust um 120 jarðskjálftar sem er svipaður fjöldi og í vikunni á undan. Mest virkni mældist við Þorbjörn eða rúmlega 50 skjálftar, stærsti skjálftinn reyndist 1.7 að stærð. Rúmlega 10 skjálftar mældust á milli Keilis og Fagradalsfjalls. Þá mældust rúmlega 20 skjálftar í og við Kleifarvatn.

Rúmlega 20 skjálftar mældust út á Reykjaneshrygg, sá stærsti mældist þann 18.desember og reyndist hann 4.2 að stærð en hann var staðsettur langt út á hrygg.

Norðurland

Alls mældust um 50 jarðskjálftar úti fyrir Norðurlandi í liðinn viku. Flestir skjálftanna mældist á Grímseyjarbeltinu, en sjö skjálftar mældust á Hústavíkur-Flateyjarmisgenginu. Stærsti skjálftinn mældist 2.5 að stærð þann 17. desember en hann var staðsettur út á Kolbeinseyjarhrygg. Þá mældust tæplega 75 skjálftar um 40 km austur af Fotni en hrina hófst á svæðinu þann 15.desember. Stærsti skjálftinn mældist þann 17.desember og reyndist 3.3 að stærð. Vestur af Kröflu mældist einn smáskjálfti og einn suðvestur af Hrútafjöllum. Rúmlega 20 skjálftar mældust í grennd við Bæjarfjall, sá stærsti mældist þann 12.desember og reyndist hann 2.7 að stærð.

Hálendið

Tæplega 65 jarðskjálftar mældust á öllu hálendinu þessa vikuna sem eru heldur færri en vikuna á undan þegar um 280 skjálftar mældust. Flestir skjálftanna mældust við Herðubreið eða tæplega 30 skjálftar, sá stærsti var 1.2 að stærð. Í Öskju mældust tveir skjálftar, sá stærri mældist 1.4 að stærð þann 15.desember. Í Vatnajökli hafa verið staðsettir rúmlega 30 jarðskjálftar, stærsti skjálftinn mældist í Bárðarbungu em hann var 2.4 að stærð þann 18. desember við norðurrima Bárðarbunguöskjunnar, en alls voru staðsettir 4 skjálftar þar innan við og einn fyrir utan. Í Grímsvötnum mældust 7 jarðskjálftar, sá stærsti 2.1 að stærð þann 16.Desember staðsettur noraustur af Grímsfjalli. Rúmir 10 skjálftar mældust norðaustur af Skeiðarárjökli og sex skjálftar mældust í Öræfajökli, stærstur þeirra mældist 1.3 að stærð. Einn skjálfti mældist í Kverkfjöllum. Við Langjökul mældist einn jarðskjálfi 1.8 að stærð þann 18.desember og einn skjálfti í Þórisjökli. Tveir skjálftar mældust norðaustur af Grjótárvatni og einn smáskjálfti á Arnarvatnsheiði.

Mýrdalsjökull

Tæplega 35 jarðskjálfta mældust undir Mýrdalsjökli í vikunni sem er heldur fleiri en í vikunni á undan þegar tíu skjálftar mældust. Flestir mældust innan öskjunnar en stærsti skjálftinn sem mældist var þann 18.desember og reyndist 3.8 að stærð en sá skjálfti fannst í Drangshlíðardal. Tveir skjálftar mældust á Torfajökulssvæðinu sá stærri 1.2 að stærð. Einn skjálfti mældist í Eyjafjallajökli.

Jarðvakt