	Veðurstofa Íslands Jarðeðlissvið

Jarðskjálftar 20221226 - 20230101, vika 52

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Suðurland

Á Suðurlandi mældust tæplega 45 skjálftar og voru þeir dreifðir um svæðið. Á Hengilssvæðinu var óvenju mikil virkni en þar mældust 9 skjálftar við Molddali. Þá mældust 13 skjálftar um 15 km suðaustur af Heklu og var stærsti skjálftinn þar 2.6 að stærð þann 29.desember. Þrír skjálftar mældust við Hestfjall, sá stærsti 2.4 að stærð.

Reykjanesskagi

Á Reykjanesskaga mældust um 150 jarðskjálftar sem er örlítið fleiri en í vikunni á undan þegar um 120 skjálftar mældust. Mest virkni var við Krýsuvík og Kleifarvatn eða um 50 skjálftar, stærsti skjálftinn mældist þann 1.janúar og var hann 2.3 að stærð um 3 km suðaustur af Kleifarvatni. Um 30 smáskjálftar mældust milli Keilis og Fagradalsfjalls. Auk þess mældust skjálftar við Grindvík og Brennisteinssfjöll.

Alls mældust 115 skjálftar á Reykjaneshrygg sem eru heldur fleiri en í vikunni á undan. Flestir mældust rétt úti fyrir Reykjanestána og var stærsti skjálftinn 3.2 að stærð þann 26.desember. Þá mældust tveir langt úti fyrir á Reykjaneshrygg, sá stærri 2.7 að stærð þann 31.desember.

Norðurland

Alls mældust um 35 skjálftar á Tjörnesbrotabeltinu í vikunni. Flestir skjálftanna eru á Grímseyjarbrotabeltinu eða um 30 talsins. Sá stærsti mældist þann 31.desember og reyndist hann 2.4 að stærð. Þrír skjálftar mældust á Húsavíkur og Flateyjarmisgenginu. Á landgrunnsbrúnni austur af Fonti á Langanesi mældust sjö skjálftar. Skjálftarnir eru hluti af hrinu sem hófst 15. desember, stærsti skjálftinn í vikunni mældist 2.3 að stærð. Rólegt var á norðurhluta norðurgosbeltisins, en aðeins mældust 16 skjálftar á svæðinu, fimm smáskjálftar við Kröflu, fimm í kringum Bæjarfjall og fimm smáskjálftar við Ytri-Sauðkletta.

Hálendið

Á hálendinu mældust um 86 skjálftar sem er svipaður fjöldi og í vikunni á udnan. Mest var virkni við Öskju og Herðubreið en einnig mældust skjálftar í Bárðarbungu og Grímsvötnum. Alls mældust sex smáskjálftar við Öskju og um 45 skjálftar umhverfis Herðubreið. Þá mældust 10 skjálftar í Bárðarbungu, sá stærsti þann 28.desember og reyndist hann 2.9 að stærð. Einn skjálfti mældist í Hamrinum, þrír í Kverkfjöllum og fimm í Grímsvötnum, sá stærsti 3.2 að stærð þann 27.desember. Sjö skjálftar mældust í Öræfajökli. Einn skjálfti mældist suðvestur í Langjökli, einn við skjaldbreið og einn við Sandvatn.

Mýrdalsjökull

Rúmlega 10 jarðskjálftar mældust undir Mýrdalsjökli í vikunni sem er svipaður fjöldi og í vikunni á undan þegar 15 skjálftar mældust. Allir skjálftarnir voru staðsettir í eða við Kötluöskjuna. Stærsti skjálftinn sem mældist var þann 28.desember og reyndist hann 2.1 að stærð. Fimm skjálftar mældust á Torfajökulssvæðinu sá stærsti 1.5 að stærð þann 28.desember.

Jarðvakt