Samfelldar GPS mælingar

Samansettar færslumyndir til eftirlits með jarðskorpunni - allar ISGPS stöðvar

Myndirnar að neðan sýna færslur allra ISGPS stöðva frá júlí 2000 (rétt eftir Þjóðhátíðarskjálftana). Efsta myndin sýnir færslur í austur, miðmyndin færslur í norður og síðasta myndin sýnir færslur í lóðrétta þættinum, þar sem jákvæð færsla er færsla upp á við. Meginhluti gagnanna í tímaröðunum eru úr lokaúrvinnslu GPS gagnanna, en síðustu 10 til 40 dagarnir eru úr sjálfvirku úrvinnslunni og ætti síðastu punktarnir í línuritunum því að vera frá deginum í gær, enda eru línurit þessi uppfærð daglega. Athuga ber að niðurstöður úr sjálfvirku úrvinnslunni eru ónákvæmari en niðurstöður úr lokaúrvinnslunni. Engar óvissur eru teiknaðar á línuritin.
Ef nota á línuritin til eftirlits með jarðskorpunni er sennilega er best að að horfa á myndirnar með langtímatrend eða undarleg langtímafrávik í huga.

Austurfærsla stöðvanna frá júlí 2000. Búið er að hliðra tímaröðunum eftir lóðás til að samanburður sé auðveldari. Þær stöðvar sem færast hraðar til austurs eru á Evrasíuflekanum, en þær stöðvar sem eru á hægari austurleið eða jafnvel vesturleið eru á Ameríkuflekanum. Myndin sýnir að flekaskilin eru vel skilgreind á Suðurlandinu. Aðeins um 15km eru milli stöðvanna á Hlíðardalsskóla (HLID, Evrasía) og Hveragerði (HVER, N. Ameríka) og liggja flekaskilin á milli stöðvanna samkvæmt þessum mælingum.

Norðurfærsla stöðvanna frá júlí 2000. Búið er að hliðra tímaröðunum eftir lóðás til að samanburður sé auðveldari. Allnokkur breytni er í færsluhröðunum.

Lóðrétt færsla stöðvanna frá júlí 2000. Búið er að hliðra tímaröðunum eftir lóðás til að samanburður sé auðveldari.

Til baka á ISGPS síðuna

Benedikt Gunnar Ofeigsson (gps@vedur.is).