INNGANGUR

Á Unix vélum Veðurstofunnar er L^ATEX umbrotskerfið það forrit sem mest er notað til allrar ritvinnslu. Ágætis lýsingu á notkun þess er að finna í bókunum L^ATEX-- A document preparation system -- Users guide and reference manual (Lamport 1994) og The L^ATEX companion (Goossens o.fl. 1994) og í ritinu The not so short introduction to L^ATEX2 ${\varepsilon}$ (Oetiker o.fl. 1995). Í greinargerð þessari er ekki ætlunin að kenna notkun L^ATEX heldur fyrst og fremst að lýsa nokkrum hjálpartækjum sem ég hef sett saman og geta nýst hverjum þeim er hyggur á útgáfu hugverka sinna samkvæmt þeim stöðlum sem nú gilda um útlit plagga Veðurstofunnar. Þó eru einnig látin fljóta með nokkur lykilatriði um notkun L^ATEX, til hægðarauka fyrir þá sem eru að nota L^ATEX í fyrsta sinn eða nota það sjaldan.