	Veðurstofa Íslands Jarðeðlissvið

Jarðskjálftar 980202 - 980208, vika 06

Til að prenta kortið má nota postscript

Suðurland

Hengillinn var rólegur fram að helgi en þá byrjaði að skjálfa samtímis í grennd við Ölkelduháls og suðvestantil í Ölfusi. Skjálftarnir voru þó allir smáir. Stöku skjálftar mældust á Reykjanesi og tveir á Selvogsgrunni.

Norðurland

Ekki urðu margir skjálftar á Norðurlandi þessa vikuna. Smá hrina varð þó austan Grímseyjar.

Hálendið

Fáeinir skjálftar urðu í grennd við Heklu og Torfajökul, nokkrir í Mýrdalsjökli og einn í Vatnajökli við Skaftárkatla. Skjálftar norðvestan Heklu eru sennilega flestir sprengingar vegna Sultartangavirkjunar en þar sem það er enn óstaðfest eru þeir enn með á kortinu. Einhver skjálftavirkni mældist í grennd við jarðskjálftamælistöðina á Kálfafelli á Síðu en þar sem hún sást aðeins á einni stöð er erfitt að ákvarða hvar hún var upprunnin. Tvennskonar skjálftavirkni mældist, annarsvegar mjög nálægt Kálfafelli og hinsvegar heldur lengra frá, sem virtist vera úr austurátt. Meira kemur á þessa síðu um þetta síðar.

Palmi Erlendsson