Veðurstofa Íslands
Jarðeðlissvið

Jarðskjálftar 980601 - 980607, vika 23

[Skjálftalisti] [Fyrri vika] [Næsta vika] [Aðrar vikur] [Jarðeðlissvið]

Til að prenta kortið má nota postscript
Úrvinnslu fyrir þessa viku er ekki lokið.

Á kortinu eru sýndir skjálftar frá tímabilinu 1/6 til klukkan 07:00 þann 3/6, og frá sunnudeginum 7/6.

Suðurland

Vikan var viðburðarík. Klukkan 21:37 á fimmtudagskvölið (4/6) varð einn stærsti skjálfti sem orðið hefur á eða nærri Íslandi undanfarin 11 ár, að undantekinni Bárðarbungu þar sem skjálftar af svipaðri stærð hafa mælst, sá síðasti 29 september 1996. Upptök skjálftans eru á 6 km dýpi undir þjóðvegi númer eitt á Hellisheiði. Stærð skjálftans var 5.1.

Skjálftinn varð í kjölfar kroftugrar hrinu sem hófst undir Ölkelduhálsi aðfaranótt miðvikudags. Sjálfvirkur hugbúnaður Veðurstofunnar staðsetti yfir 6000 skjálfta frá miðvikudegi til sunnudags. Kort sýna sjálfvirkar staðsetningar fyrir dagana 3, 4, 5 og 6 júní.

Norðurland

Hrina skjálfta fyrir suðaustan Herðubreið, sem hófst 23. maí, hélt áfram. Stærsti skjálftinn varð klukkan 17:12 á mánudeginnum. Stærð hans var 3.7.

Hálendið

Skjálftar mældust undir Mýrdalsjökli og nærri Hagavatni sunnan Langjökuls.

Einar Kjartansson