	Veðurstofa Íslands Jarðeðlissvið

Jarðskjálftar 980608 - 980614, vika 24

Til að prenta kortið má nota postscript

Þessi síða er enn í vinnslu.
Úrvinnslu mælinga frá 9. júni er ekki lokið.

Suðurland

Jarðskjálftavirkni í vikunni einkenndist af efterköstum kröftugrar hrinu á Hengilssvæðinu sem náði hámarki með skjálftum á Hellisheiði að kvöldi 4. júni. Alla vikuna mældust yfir 200 skjálftar á dag. Utan Hengilssvæðisins urðu allmargir skjálftar við Lambafell austan Þrengsla, við Kleyfarvatn og um miðbik Suðurlandsskjálftabeltisins. Seinni hluti vikunnar einkenndist af mjög mörgum litlum skjálftum, sem mældust víða á jarðskjálftasvæðum á Suðvesturlandi. Til dæmis mældist einn skjálfti við Surtsey.

Norðurland

Athyglisverðir jarðskjálftar urðu rétt vestan Hríseyjar. Stærstu skjálftarnir voru á föstudagskvöldið og aðfaranótt laugardags, en þá urðu 3 skjálftar af stærð um og yfir 2. Þessir skjálftar fundust í Yztabæ í Hrísey. Allst mældust ríflega 20 skjálftar við Hrísey.

Allmargir skjálftar mældust í Öxarfirði og á báðum helstu brotabeltunum fyrir Norðurlandi.

Hálendið

Jarðskjáfltavirkni hélt áfram við við Herðubreiðartögl, en virknin þar er fer þó minnkandi. Einn skjálfti mældist í Dyngjufjöllum norðan Öskjuops og tveir skjálftar mældust undir Skaftárkötlum í Vatnajökli.

Almennt

Að frátöldum eftirskjálftum á Skálafellssprungunni, má segja að að skjálftavirkni dagana 11-14 júní hafi verið lík þeirri virkni sem er að jafnaði þegar ekkert sérstakt er að gerast, nema að skjálftar eru mun fleiri á flestum skjálftasvæðum landsins en venjulegt er.

Í skjálftunum þann 4. júní varð höggun sem nemur nokkrum tugum sentimetra, á brotfleti sem er allmargir ferkílómetrar að flatarmáli. Þessi höggun veldur breytingu á spennu um allt land og hefur greinileg áhrif þar sem jarðskjálftavirkni er viðvarandi. Við skjálftana urður breytingar á hitastigi í jarðhitaholum syðst í Ölfusi í og greinilegar breytingar mældust á þenslumælum veðurstofunnar á Suðurlandi.

Einar Kjartansson