	Veðurstofa Íslands Jarðeðlissvið

Jarðskjálftar 20010507 - 20010513, vika 19

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Í vikunni mældust 206 skjálftar á og við landið, allir undir 2,2 að stærð. Auk þeirra mædust tveir skjálftar nokkur hundruð kílómetra fyrir norðan land. Stærð þeirra var um 3. Fyrstu fjóra dagana var lítil virkni, en á föstudag jókst virknin á Hestfjallssprungunni til muna og hélst þannig út vikuna.

Suðurland

Á Suðurlandi skráðust 162 skjálftar. Þar af 121 á Hestfjallssprungunni, sem flestir urðu seinustu þrjá daga vikunnar og var stærð flestra þeirra lítil, á bilinu -0,8 til 1,2. Á Holtasprungu urðu 28 skjálftar á bilinu -0,6 til 0,7, á Hengilssvæði 28 skjálftar á bilinu -0,4 til 2.2, og á Reykjanesi tveir af stærð 0,1.

Norðurland

Úti fyrir Norðurlandi mældust 29 skjálftar á bilinu 0,1 til 1,8, og dreifðust þeir nokkuð jafnt um Tjörnesbrotabeltið.

Hálendið

Í Mýrdalsjökli urðu 10 skjálftar á stærðarbilinu 0,1 til 1,8. Tveir þeir stærstu (Ml=1,2 og 1,8) eru nokkuð vel staðsettir, en staðsetning hinna er ónákvæm.

Tveir skjálftar mældust á Torfajökulssvæðinu; sá stærri 2,0, sá minni 1,2 og er staðsetning hans ónákvæm.

Einn skjálfti varð í norðaustanverðum Hofsjökli. Hann var af stærð 2,1.

Tveir skjálftar, af stærð 1,4 og 1,5, mældust í Vatnajökli í námunda við Bárðarbungu og er staðsetning þess minni og eystri ekki mjög nákvæm.

Kristín S. Vogfjörð