	Veðurstofa Íslands Eðlisfræðisvið

Jarðskjálftar 20040105 - 20040111, vika 02

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Í vikunni mældust 202 jarðskjálftar, auk nokkurra sprenginga. Stærsti skjálftinn var 3,7 stig skammt NNV við Hveragerði.

Suðurland

Hæst bar skjálfta, sem varð kl 23:25 þann 7. janúar, sunnan í Dalafelli skammt NNV við Hveragerði.Hann var 3,7 stig, og fannst víða á svæðinu frá Hellu til Hafnarfjarðar. Þessum skjálfta fylgdu nokkrir minni, sá stærsti 2,0 stig. Þá mældist skjálfti SV við Skálafell 2,0 stig, en aðrir skjálftar á Suðurlandsundirlendi og vestur Reykjanesskagann voru smáir. Nokkrir skjálftar mældust við Geirfuglasker, sá stærsti 2,3 stig, og fleiri enn utar á hryggnum, þar var sá stærsti 2,5 stig.

Norðurland

Úti fyrir Norðurlandi voru 2 skjálftar stærstir fyrir mynni Eyjafjarðar, 2,4 stig. Þá mældist skjálfti 2,3 stig fyrir norðan Grímsey.

Vesturland

Nokkrir skjálftar mældust í Þóreyjartungum vestan við Ok, sá stærsti var 1,3 stig.

Hálendið

Í Mýrdalsjökli mældust 6 skjálftar stærri en 2 stig, sá stærsti 2,5. Þeir voru allir í vesturjöklinum, en auk smærri skjálfta þar mældust nokkrir í norðanverðri öskjunni. Í Vatnajökli mældust nokkrir smáskjálftar 1,5 stig og smærri, og í Skeiðarárjökli nokkrir í austurjöklinum, 0,9 stærst.

Þórunn Skaftadóttir