	Veðurstofa Íslands Jarðeðlissvið

Jarðskjálftar 20050117 - 20050123, vika 03

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

110 skjálftar voru staðsettir í vikunni og þrjár sprengingar (óstaðfest). Stærstu skjálftar vikunnar urðu 19.1 km A af Grímsey (3,6) og 79.5 km NNV af Grímsey (2,9 að stærð).

Suðurland

Reykjanesskagi: Stærsti skjálftinn úti á Reykjanesskaga var 1.6 að stærð við vestanvert Kleifarvatn. Annars skjálfti, en minni, varð á sömu slóðum, og einn norðan við Sveifluháls. Þrír litlir skjálftar urðu í(/við) Fagradalsfjalli og níu litlir við Gullbringu.

Nokkrir litlir skjálftar mældust nærri Holtasprungunni og þrír á Hestfjallssprungunni.
Fjórir litlir skjálftar urðu 0,4-1 km vestur af Hveradölum (skíðaskála) og nokkrir víðar á Hellisheiði og Hengilssvæði, þeir stærstu tveir um 1,1 að stærð.

Norðurland

Í viku 01 hófst hrina austur af Grímsey. Í vikunni var áframhaldandi virkni á þeim slóðum, rétt norðan við megin hrinuna. Fjórir skjálftar mældust í Öxarfirði og nokkrir að auki hér og þar úti fyrir Norðurlandi.

Hálendið

Undir/við Mýrdalsjökul voru aðeins staðsettir 14 skjálftar, og eins og í fyrri viku, voru aðeins tveir sem náðu stærðinni tveimur (2,0 og 2,2).

18. janúar mældist skjálfti 1.0 að stærð tæpum 13 km ANA af Bárðarbungu. Síðdegis og aðfararnótt 19. janúar sáust óróapúlsar á nokkrum stöðvum, Skrokköldu (skr), hva, vsh, bru, ada, grf (og kal). Hægt var að staðsetja einn skjálfta, 1,8 að stærð, í byrjun fyrri púlsins 15-16 km A af Bárðarbungu. (Skjálftarit frá vsh og Skjálftarit frá ada.) Tíðnigreining á fyrri púlsinum á skr og bru (Brúarjökli) sýndi að hann hafði mesta orku á tíðnibilinu 0,8-10 Hz (á skr; 1-20 Hz á bru). Orkuútlausn var ekki sérstaklega sterk í byrjun púlsins og þar hefur orðið hrina lítilla skjálfta. Tveir aðrir skjálftar (að stærð 1,4 og 1,6) urðu síðar í vikunni (22. og 23.) í Vatnajökli, sá fyrri rúmum 10 km austar, sá síðari norðar, nærri Kistufelli.

Einn skjálfti, 2.0 að stærð, mældist í vestanverðum Hofsjökli (á svipuðum stað og undanfarnar tvær vikur) og einn skjálfti, 1.8 að stærð, nokkuð norðan jökulsins. Tveir litlir skjálftar (0,4 og 0,6) urðu við Herðubreið og einn, 0.6 að stærð, nærri Mývatni (11.6 km SV af Kröfluvirkjun).

Sigurlaug Hjaltadóttir og Kristín S. Vogfjörð