Veðurstofa Íslands
Jarðeðlissvið

Jarðskjálftar 20050815 - 20050821, vika 33

[Skjálftalisti] [Fyrri vika] [Næsta vika] [Aðrar vikur] [Jarðeðlissvið]

PostScript-skrá
Forrit sem les PostScript-skrár má nálgast hér

Sérkort af

[Suðurlandi] [Reykjanesi] [Hengilssvæðinu] [Bárðarbungu] [Lang-og Hofsjökli] [Öskju] [Mýrdals- og Eyjafjallajökli] [Norðurlandi]

Lýsing á skjálftavirkni vikunnar

Í vikunni mældust 152 skjálftar og 10 sprengingar eða líklegar sprengingar.
Stærsti skjálftinn í vikunni mældist 2.8 stig með upptök við Herðubreiðartögl þann 16. ágúst kl. 01:35.

Suðurland

Enginn skjálfti mældist á Reykjanesskaganum alla vikuna.
Á Hengilssvæðinu mældust fáeinir skjálftar norðan við Hengil og við Reykjadal norðvestan við Hveragerði. Í Ölfusinu mældust 6 skjálftar. Stærsti skjálftinn þar var vestan við Hjallahverfið í Ölfusi þann 20.08. kl. 10:11, M=1.7.
Á Suðurlandsundirlendi mældust 17 skjálftar, flestir með upptök á Holta- og Hestvatnssprungunum og voru þeir allir undir 1.5 að stærð.

Norðurland

Á Tjörnesbrotabeltinu mældust 28 skjálftar. Stærsti skjálftinn var 1.6 að stærð með upptök fyrir mynni Eyjafjarðar. Auk þess mældust skjálftar við Flatey á Skjálfanda og á Grímseyjarbeltinu milli Grímseyjar og Öxarfjarðar.

Hálendið

Smáskjálftahrina var við Jarlhettur sunnan Langjökuls þann 15.-16. ágúst. Fjölskjálftastaðsetning sýnir að upptök skjálftanna voru á lóðréttu NS brotaplani og á um 6 km dýpi.
Þann 16.08. kl. 03:28 var skjálfti við Þórisjökul, M=1.1.

Undir Mýrdalsjökli mældust 33 skjálftar. Þar af voru 24 skjálftar undir vesturhluta jökulsins, Goðabungu. Undir Kötluöskjunni mældust 7 skjálftar. Stærstu skjálftinn undir Goðabunga var 2.2 að stærð og 4 skjálftar mældust stærri en 1.7. Stærsti skjálftinn undir Kötluöskjunni var um 1.3 að stærð.

Undir Vatnajökli mældust 16 ís- og jarðskjálftar. Við Hamarinn voru 2 skjálftar og við Bárðarbungu 3 skjálftar. Einn skjálfti var við Dyngjujökul og einn vestur af Esjufjöllum. Einnig mældust skjálftar við Grímsvötn og Öræfajökul en staðsetning þeirra er ekki eins vel ákvörðuð.
Undir Skeiðarárjökli mældust 7 ísskjálftar. Þar af voru 5 ísskjálftar við Grænalón dagana 15.-19. ágúst og 2 við útfall Skeiðarár þann 17. ágúst. Ísskjálftarnir við Grænalónið voru líklega vegna stórra ísblokka sem hafa sprungið úr Skeiðarárjökli og fallið ofan í Grænalónið þegar það lækkaði í því vegna hlaupsins í viku 32.

Þann 16.08. kl. 01:35 mældist skjálfti að stærð 2.8 undir Herðubreiðartöglum. Dagana 17.-18. ágúst voru 8 skjálftar með upptök undir Herðubreið, sá stærsti um 1.9 að stærð. Frá 19.08. til 21.08. voru 3 skjálftar að stærð um 1, norðaustur af Herðubreið.

Þann 15.08. kl. 04:45 var skjálfti á Mývatnsöræfum, M=1.9.
Stakir skjálftar mældust við Mývatn, Kröflu og Þeystareykjabungu.

Gunnar B. Guðmundsson