	Veðurstofa Íslands Eftirlitsdeild Eðlisfræðisviðs

Jarðskjálftar 20060220 - 20060226, vika 08

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

168 skjálftar voru staðsettir í vikunni og nokkrar sprengingar.

Suðurland

Um 8-15 km S og SSV af Geirfulgadrangi urðu 10 skjálftar frá 24.-26. febrúar. Skjálftarnir voru á stærðarbilinu 1,2-2,5. Fáeinir skjálftar urðu á Reykjanesskaga, sá stærsti varð réttt suður af Kleifarvatni, 1,6 að stærð. Þá mældist dreifð virkni á Suðurlandi. Nokkrir (9) skjálftar urðu í Hverahlíð á Hellisheiði 21. febrúar; þeir urðu í kjölfar niðurdælingar í holu HE-21 í Hverahlíð og hófust um 30 klst eftir að niðurdæling hófst. Hætt var að dæla niður á hádegi 22. febrúar.

Norðurland

Virkni var dreifð á Tjörnesbrotabeltinu. Þá mældust einn skjáflti á Flateyjarskaga og einn á Tröllaskaga.

Hálendið

Að kvöldi föstudags og fram á laugardag var mikið um frostbresti á Norðausturlandi/norður af Vatnajökli. Fjöldi bresta mældist frá Mývatni og suður að Öskju.

Undir Mýrdalsjökli voru staðsettir sex skjálftar, fimm þeirra urðu vestan við Goðabungur og einn í öskjunni. Sá stærsti var 2,5 að stærð.
Fáeinir skjálftar mældust við Öskju og Herðubreið, allir litlir. Líflegra var við Bárðarbungu en 11 skjálftar mældust á því svæði í vikunni, sá stærsti var 2,0 að stærð.

Sigurlaug Hjaltadóttir