	Veðurstofa Íslands Jarðeðlissvið

Jarðskjálftar 20060501 - 20060507, vika 18

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Nokkuð róleg vika. Alls mældust 162 skjálftar og nokkrar sprengingar. Stærsti skjáftinn mældist um 200 km suður á Reykjaneshrygg af stærð 2,9. Í Skeiðarárjökli voru staðsettir 31 svokallaðir ísskjálftar, flestir þeirra voru vistaðir handvirkt, þ. e. þeir komu ekki fram í sjálfvirku vinnslunni. Ísskjálftar eru oft fyrirboðar jökulhlaupa, en ekki er alveg skýring á þessari ísskjálftavirkni núnar. Hiti og vatnsmagn í Skeiðará voru að smá aukast á tímabilinu, en þar sem GPS nákvæmnis staðsetningartæki er í augnablikinu staðsett á jöklinum var heldur meira vistað af skjálftum en annars hefði verið. Standa vonir til að þessar mælingar komi til með að varpa ljósi á samhengið á milli ísskjálfta og hreyfinga í skriðjöklinum.

Reykjanesskagi

Örfáir smáskjálftar mældust á Reykjanesskaga, sá stærsti um 1,6 við Kleifarvatn.

Hengilssvæðið

Mánudaginn 2. maí varð smá hrina við Kambabrún, þar sem stærsti skjálftinn mældist 1,7. Annars bara stöku smáskjálftar, flestir undir 0 af stærð. Einn skjálfti mældist undir sjónum suður af Þorlákshöfn.

Suðurland

Á Suðurlandi mældust 15 skjálftar á stærðarbilinu -0,4 - 1,3.

Norðurland

Á Tjörnesbrotabeltinu mældust 31 skjálfti á stærðarbilinu 0,2 - 2,3. Auk þess mældust 2 skjálftar við Kröflu og skjálfti við Þeystareyki, á Flateyjadalsheiði og undir hálendinu norður af Hólum í Hjaltadal.

Hálendið

Skjálftar mældust við Langjökul og vestan við öskuna í Hofsjökli. Þá mældust 2 skjálftar á Torfajökulssvæðinu. 13 skjálftar mældust í norðvestanverðum Vatnajökli. Á svæðinu kringum Öskju og Herðubreið mældust 13 skjálftar á stærðarbilinu 0,3 - 2,4.

Mýrdalsjökull

Enginn skjálfti mældist undir Mýrdalsjökli þannig að hægt væri að staðsetja. Það grillti í nokkra skjálfta í gögnunum, en þeir virtust jafnvel frekar hafa yfirbragð ísskjálfta.

Steinunn S. Jakobsdóttir