	Veðurstofa Íslands Jarðeðlissvið

Jarðskjálftar 20060626 - 20060702, vika 26

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Í vikunni mældust alls 148 skjálftar og nokkrar sprengingar.

Suðurland

Mjög rólegt á Suðurlandi, enginn skjálfti náði stærðinni 1.

Reykjanesskagi

Nokkur virkni var við Sveifluháls í vikunni, flestir urðu skjálftarnir á þriðjudag. Nokkrir skjálftar voru staðsettir um 2-3 km austur af Grindavík aðfararnótt föstudags. Þeir stærstu, sem mældust um 2.6, munu hafa fundist í Grindavík. Á laugardagsmorgninum mældist skjálfti við Kaldársel, en annar skjálfti mældist þar tæpum km norðar þ. 12. júní. Stærsti skjálftinn þessa vikuna mældist á Reykjaneshrygg um 300 km suður af landinu, en hann mældist af stærð 3,3.

Norðurland

Í Öxarfirði mældust 12 skjálftar í vikunni 1-3 á dag. Um helgina mældust 28 skjálftar um 19 km NNA af Siglufirði allir af stærð undir 2.

Hálendið

Norðan í Bárðarbungu mældust 3 skjálftar í vikunni og 1 við Kistufell. Við Vikrafell, austur af Öskju, mældust 2 smáskjálftar og 1 við Kerlingardyngju í Ódáðahrauni. Á sunnudag mældist skjálfti við Hellufjall, suður af Vatnafjöllum á Fjallabaksleið.

Mýrdalsjökull

Undir Mýrdalsjökli mældust 10 skjálftar, flestir á stærðarbilinu 0-1. Einn skjálfti, undir Goðabungu, náði stærðinni 2,2. Nokkrir skjáftar á stærðarbilinu 0,5 -2,8 mældust norður af Steinholtsjökli frá því kl. 20:20 á föstudagskvöldi til kl. 03:55 á laugardagsmorgun.

Steinunn S. Jakobsdóttir