	Veðurstofa Íslands Jarðeðlissvið

Jarðskjálftar 20061211 - 20061217, vika 50

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Í vikunni voru staðsettir 227 atburðir, þar af X sprengingar. Stærsti atburður vikunnar var 3,2 að stærð, um 14 km A af Grímsey þann 11. des. Í vikunni var mesta virknin fyrir norðan land, en litlar hrinur við Fagradalsfjall á Reykjanesskaga og Öskju settu mark sitt á vikuna.

Suðurland

Meinhægt var á suðurlandi. Mesta virknin var í kringum Hengil og Ölfus, en allir voru þeir smáir.

Reykjanesskagi

Á laugardagskvöld varð hrina um 40 smáskjálfta við suðvestanvert Fagradalsfjall. Stærsti skjálftinn var aðeins 0,5 að stærð. Hrinur eru algengar á þessum slóðum. Einnig var nokkuð um smáskjálfta við Kleifarvatn svo og framhald á virkninni við Sandskeið frá fyrri viku.

Norðurland

Í vikunni var virknin mest bundin við afmörkuð svæði þar sem skjálftar urðu í þyrpingum. Helstu þyrpingarnar voru um 30 km N af Siglufirði, um 40 km V af Grímsey, um 15 km A af Grímsey og tvær þyrpingar í Axarfirði. Kl. 04:13 þann 13. desember varð skjálfti að stærð 3,0 skammt austan við Mývatn og fannst hann í Vogahverfi. Nokkur smáskjálftavirkni hefur verið á þessum slóðum síðustu ár.

Hálendið

Aðfaranótt 12. desember mældust um 10 smáskjálftar (minni en 1,0) í hnapp í vestanverðri Öskju. Við Öskju mældust einnig þrír smáskjálftar á óvenju miklu dýpi eða um 20 km.
Örfáir skjálftar mældust undir Vatnajökli og þvír ísskjálftar í Skeiðarárjökli á mánudag.
Einn skjálfti var staðsettur skammt vestan Hveravalla.

Mýrdalsjökull

Undir Mýrdalsjökli mældust alls 17 atburðir í vikunni, flestir vestan í Goðabungu en auk þess nokkrir innan öskjunnar og við SV verðan Entujökul. Hrina smáskjálfta varð við Goðabungu í Mýrdalsjökli milli kl. 13:45 og 15:15 þann 12. des. Stærsti skjálftinn var 2,1 að stærð, en alls var unnt að staðsetja fjóra skjálfta úr hrinunni. Eins og sjá má á óróariti frá jarðskjálftastöðinni við Goðabungu (þrír þættir á þremur tíðniböndum, auk stöðvanna mid, hvo og snb), þá varð engin aukning á lágtíðnióróa samfara hrinunni. Slíkar smáhrinur geta vel verið algengar, en mælirinn við Goðabungu var settur upp síðastliðið sumar og hefur bætt eftirlit með Kötlu til muna.

Halldór Geirsson