	Veðurstofa Íslands Jarðeðlissvið

Jarðskjálftar 20061218 - 20061224, vika 51

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Í viku 51 mældust 154 skjálftar, þar af 22 ísskjálftar í Skeiðarárjökli. Stærstu skjálftarnir, að stærð um 2,5, mældust annars vegar undir Mýrdalsjökli og hins vegar austur af Grímsey.

Suðurland

Mjög rólegt var á suðvestanverðu landinu. Á mánudaginn mældist skjálfti að stærð 1 í norðaustur hluta Heklu. Virkni í Heklu frá 1991 má sjá á meðfylgjandi yfirliti

Norðurland

Fyrri hluta vikunnar (fram til 20. desember) var virknin á Tjörnesbrotabeltinu mest í Öxarfirði, en þann 21. desember tók virknin sig upp um 10 km NA af Grímsey og mældust þar um 50 skjálftar fram á aðfangadag. Þann 20. mældist skjálfti að stærð 2,5 við Kolbeinsey.

Hálendið

Hrina ísskjálfta varð í Skeiðarárjökli 19. - 20. desember. Þessa virkni má tengja við mikinn hita og úrkomu. Annars var nokkuð rólegt undir hálendinu, aðeins mældust 4 skjálftar í NV-Vatnajökli og 4 við Öskju og Herðubreið.

Mýrdalsjökull

Undir Mýrdalsjökli mældust 34 skjálftar, þar af mældust 4 með upptök innan Kötluöskjunnar. Hér má sjá yfirlit yfir virknina í Mýrdals- og Eyjafjallajökli á árinu 2006.

Steinunn S. Jakobsdóttir