Veðurstofa Íslands
Jarðeðlissvið

Jarðskjálftar 20070129 - 20070204, vika 05

[Skjálftalisti] [Fyrri vika] [Næsta vika] [Aðrar vikur] [Jarðeðlissvið]

PostScript-skrá
Forrit sem les PostScript-skrár má nálgast hér

Sérkort af

[Suðurlandi] [Reykjanesi] [Hengilssvæðinu] [Bárðarbungu] [Lang-og Hofsjökli] [Öskju] [Mýrdals- og Eyjafjallajökli] [Norðurlandi]

Lýsing á skjálftavirkni vikunnar

Um 230 skjálftar voru staðsettir í vikunni og fáeinar sprengingar. Enn mældust nokkrir skjálftar við Fagradalsfjall og nærri Hveravöllum, en hrinur stóðu yfir þar í síðustu viku. Þá hófst skjálftahrina við Herðubreið á mánudag og stendur hún enn yfir.

Suðurland

Reykjanesskagi

Enn bættust við skjálftar í Fagradalsfjalli, en hrina hófst þar í síðustu viku (04).

Norðurland

Lítil virkni var úti fyrir Norðurlandi. Á laugardagskvöld varð skjálfti 5,5 km NV af Dalvík sem fannst í bænum. Hann var af stærð ML=2,4 og var á rétt ríflega 2 km dýpi. Aðeins einn skjálfti fylgdi um 20 mín. seinna, 1,1 að stærð en sama morgun höfðu orðið tveir skjálftar á sama stað. Þeir voru 1,4 og 0,7 að stærð (ML).

Hálendið

Á mánudag jókst virkni við Herðubreið og allmargir skjálftar mældust þar út vikuna. Langflestir urðu þeir á nær lóðréttri NA-SV (strikstefna N44°A, halli 89°) sprungu sem nær upp að rótum Herðubreiðar í suðvestri. Einhverjir skjálftar hafa þó líka orðið á annarri styttri sprungu með nær sömu stefnu (strikstefna N41°A, halli 87°), rétt norðan þeirrar stærri.

Mýrdalsjökull

Í allt voru tólf skjálftar staðsettir í Mýrdalsjökli. Þar af urðu sjö undir vestasta hluta jökulsins en fjórir undir honum suðaustanverðum. Vart var við fleiri smáskjálfta á stöðvum austan jökulsins (hvo, snb) en þeir voru það litlir að ekki var hægt að staðsetja þá.

Sigurlaug Hjaltadóttir og Þórunn Skaftadóttir