	Veðurstofa Íslands Jarðeðlissvið

Jarðskjálftar 20091207 - 20091213, vika 50

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Í vikunni voru staðsettir 189 jarðskjálftar og 5 líklegar sprengingar.

Suðurland

Um 15 jarðskjálftar mældust á Kross-sprungunni í Flóa og voru þeir allir minni en 1 að stærð. Í Ölfusinu mældust 4 jarðskjálftar við Raufarhólshelli og 2 vestan við Hjallhverfið. Í Holtum mældust 3 smáskjálftar.
Á Hengilssvæðinu mældust 3 jarðskjálftar suðvestan við Húsmúla og 12 smáskjálftar við Hlíðarfjall í Grafningi.

Reykjanesskagi

Jarðskjálfti að stærð 2,7 með upptök um 30 km suðvestur af Eldeyjarboða á Reykjaneshrygg varð þann 7. desember kl. 14:45. Þann 13. desember varð skjálfti að stærð 1,6 um 7 km suðvestur af Reykjanestá. Á Reykjanesi voru 3 jarðskjálftar og 4 jarðskjálftar um 2 km suðaustur af Reykjanestá.
Fáeinir jarðskjálftar voru við Kleifarvatn og einn sunnan við Vífilsfell.

Norðurland

Úti fyrir Norðurlandi mældust 26 jarðskjálftar. Flestir þeirra áttu upptök um 10 km norður af Grímsey og á Grímseyjarbeltinu inn í Öxarfjörð.
Nokkrir skjálftar voru á Þeistareykjum og við Kröflu.

Hálendið

Þann 12. desember varð skjálfti að stærð 1,3 undir vestanverðum Hofsjökli.
Undir og við Vatnajökul mældust 32 jarðskjálftar. Flestir þeirra áttu uptök undir norðvestanverðum jöklinum, við Hamarinn, Bárðarbungu og við Kistufell. Stærsti skjálftinn um 3 að stærð var undir Bárðarbungu þann 12. desember. Undir Skeiðarárjökli mældust 3 ísskjálftar eftir miklar rigningar á svæðinu.

Við Öskju og Herðubreið mældust 32 jarðskjálftar og voru þeir allir undir 2 að stærð.

Mýrdalsjökull

Undir Mýrdalsjökli mældust 15 jarðskjálftar og voru allir nema einn undir vestanverðum jöklinum. Stærstu skjálftarnir voru um 2.4 stig að stærð.

Gunnar B. Guðmundsson