Veðurstofa Íslands Jarðeðlissvið

Jarðskjálftar 20110418 - 20110424, vika 16

[Skjálftalisti]

[Fyrri vika]

[Næsta vika]

[Aðrar vikur]

[Jarðeðlissvið]

PostScript-skrá
Forrit sem les PostScript-skrár má nálgast hér

Sérkort af

Lýsing á skjálftavirkni vikunnar

Einungis mældist 141 jarðskjálfti í vikunni. Mesta virknin var í norðvestanverðum Vatnajökli og á svæðinu þar norður af.

Suðurland

Rúmlega tugur smáskjálfta mældist í Ölfusi og á Hengilssvæðinu til samans. Lítil virkni var á Suðurlandsundirlendinu.

Reykjanesskagi

Rólegt var á Reykjanesskaga og enginn skjálfti mældist á Reykjaneshrygg.

Norðurland

Rúmlega 20 skjálftar mældust á og úti fyrir Norðurlandi, um helmingur í Öxarfirði. Stærsti skjálftinn í Tjörnesbrotabeltinu, Ml 2,3, varð á miðvikudagskvöld norðaustan Grímseyjar. Tveir smáskjálftar mældust á þriðjudagskvöld við Mývatn.

Hálendið

Um 30 skjálftar mældust í Vatnajökli öllum og var stærsti skjálftinn um tvö stig. Níu skjálftar urðu í nágrenni Grímsvatna, stærsti Ml 1,8 og sjö undir Kverkfjöllum, stærsti Ml 1,6. Við Kistufell mældust átta skjálftar auk nokkurra við Bárðarbungu og Lokahrygg.
Á svæðinu norðan Vatnajökuls mældust rúmlega 30 skjálftar og voru þeir allir innan við tvö stig og dreifðust um svæðið.
Smáhrina varð upp úr miðnætti á þriðjudegi í Þórisjökli í vestara gosbeltinu. Hún stóð stutt yfir og stærsti skjálftinn var Ml 1,8.

Mýrdalsjökull

Ellefu skjálftar mældust í vikunni, tveir innan öskjunnar en hinir í vesturjöklinum. Stærsti skjálftinn var Ml 1,5. Einn smáskjálfti mældist auk þess suður af toppgíg Eyjafjallajökuls og einn á Torfajökulssvæðinu.

Sigþrúður Ármannsdóttir