Veðurstofa Íslands
Jarðeðlissvið

Jarðskjálftar 20120723 - 20120729, vika 30

[Skjálftalisti] [Fyrri vika] [Næsta vika] [Aðrar vikur] [Jarðeðlissvið]

PostScript-skrá
Forrit sem les PostScript-skrár má nálgast hér

Sérkort af

[Suðurlandi] [Reykjanesi] [Hengilssvæðinu] [Bárðarbungu] [Lang-og Hofsjökli] [Öskju] [Mýrdals- og Eyjafjallajökli] [Norðurlandi]

Lýsing á skjálftavirkni vikunnar

Í vikunni voru staðsettir 226 jarðskjálftar og 5 líklegar sprengingar, þrjár í Grindavík og ein austan Búðarhálsvirkjunar og ein á Moldhaugnahálsi norðan Akrueyrar. Vikan einkenndist af virkni á all mörgum stöðum í Tjörnesbrotabeltinu. Tveir jarðskjlálftar stærri en 3 mældust þar, annar austur af Grímsey og hinn í Öxarfirði. Í öðrum landshlutum var virkni með minnsta móti.

Suðurland

Á Suðurlandi mældust 25 skjálftar, allir undir einum að stærð. Flestir vorku skjálftarnir nærri Hrómundartindi norðar Hveragerðis og á sprungunum sem hreyfðust í Kross skjálftanum 29. maí 2008.

Reykjanesskagi

Fimm skjálftar mældust á Reykjaneshrygg, sá stærsti varð klukkan 23:44 á sunnudagskvöld, 1,8 að stærð. Tveir skjálftar mældust við Reykjanestá og tveir við Eldvörp. Við Kleifarvatn mældust 9 jarðskjálftar.

Norðurland

Î Tjörnesbrotabeltinu mældust 110 jarðskjálftar. Flestir þeirra (45) mældust um 10 km NNA af Grímsey, í hrinu sem hófst um klukkan 5 aðfaranótt fimmtudags og stóð í tæpan sólarhring. Á laugardagskvöld mældust fimm jarðskjálftar við Kolbeinsey, allir nema einn stærri en 2. Á 20 mínútna tímabili frá klukkan 19:45 að kvöldi mánudags mældust tíu jarðskjálftar um 20 km norður af Tjörnesi. Stærsti skjálftinn sem var um 3,5 að stærð, varð klukkan 19:48:45.

Níu skjálftar mældust á föstudag og laugardag á frekar óvenjulegum stað um 10km SW af Ásbyrgi. Við >Þeistareyki mældust 16 jarðskjálftar og þrír við Kröfluvirkjun.

Hálendið

Fáir skjálftar mældust á hálendinu, um hálfur tugur mældist á hverju þriggja svæða, í nágrenni Herðubreiðar, rétt auskan við Öskjuvatn og austan við Hamarinn. Stakir skjálftar mældust í Kverkfjöllum og Skálpanesi við Langjökul.

Mýrdalsjökull

Virkni í Mýrdalsjökli var með minna móti aðeins mældust voru staðsettir 20 jarðskjálftar undir Mýrdalsjökli, þar af um helmingur undir Kötlu.

Einar Kjartansson