	Veðurstofa Íslands Jarðeðlissvið

Jarðskjálftar 20130218 - 20130224, vika 08

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Hátt í tvö hundruð jarðskjálftar mældust í vikunni. Stærsti var tvö stig með upptök norðaustan í Bárðarbungu.

Suðurland

Nokkrir smáskjálftar mældust á Hengilssvæðinu, stærsti 1,1 stig, og einn við Raufarhólshelli. Enginn skjálfti mældist með upptök á Krosssprungu. Á Suðurlandsundirlendi mældust innan við tíu skjálftar. Stærstu voru 1,7 stig.

Reykjanesskagi

Enginn skjálfti mældist út á Reykjaneshrygg. Einn smáskjálfti varð austan við Grindavík og fjórir á Krýsuvíkursvæðinu. Þrír mældust við Bláfjöll og einn við Vífilsfell. Allir voru um og innan við einn að stærð.

Norðurland

Um 50 skjálftar urðu norðan við land. Flestir áttu upptök við mynni Eyjafjarðar og norðaustan Grímseyjar. Einnig urðu skjálftar í Öxarfirði, nokkrir á Húsavíkur-Flateyjarmisgenginu og norður af Tjörnesi. Þeir voru allir innan við tvö stig að stærð. Nokkrir smáskjálftar mældust við Grenivík og einnig við Kröflu og Þeistareyki.

Hálendið

Mesta skjálftavirknin undir Vatnajökli var norðaustan í Bárðarbungu og við Kistufell. Hátt í 30 skjálftar urðu, sá stærsti tvö stig. Nokkrir skjálftar mældust við Kverkfjöll, undir Dyngjujökli, við Hamarinn, Grímsvötn og við Skeiðarárjökul. Allir voru innan við tvö stig að stærð.
Norðan Vatnajökuls mældust yfir 20 smáskjálftar, langflestir við Herðubreið og Öskju. Stærsti var 1,2 stig.
Aðeins einn skjálfti mældist í vestur gosbeltinu. Hann var við Geitlandsjökul, 1,4 stig.

Mýrdalsjökull

Um 20 skjálftar mældust í Mýrdalsjökli. Langflestir áttu upptök vestan við Goðabungu. Aðeins þrír urðu innan Kötluöskju. Stærsti skjálftinn var tæplega tvö stig.
Á Torfajökulssvæðinu mældust níu skjálftar, stærsti 1,6 stig.

Bergþóra S. Þorbjarnardóttir