	Veðurstofa Íslands Jarðeðlissvið

Jarðskjálftar 20130318 - 20130324, vika 12

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Virknin í vikunni var undir meðallagi. Samtals mældust 128 skjálftar og alls staðar var rólegt. Helst má þó nefna að tveir skjálftar um einn að stærð mældust norðaustan við Heklu, á sama stað og skjálftar mældust í síðustu viku.

Suðurland

Tveir skjálftar mældust við Heklu, á sama stað og í síðustu og þarsíðustu viku. Þeir voru báðir um M_l 1 að stærð

Reykjanesskagi

Tveir skjálftar mældust við Fagradalsfjall, nokkrir í nágrenni Kleifarvatns, einn í Brennisteinsfjöllum og tveir í Bláfjöllum.

Norðurland

Á og úti fyrir Norðurlandi mældust 36 skjálftar. Fjórðungur þeirra voru eftirskjálftar úti fyrir mynni Eyjafjarðar og þriðjungur skjálfta rum 12 km austan Grímseyjar þar sem stöðug jarðskjálftavirkni hefur verið viðvarandi undanfarnar vikur. Einn skjálfti mældist við Kröflu og tveir við Þeistareyki (Bæjarfjall).

Hálendið

Undir Vatnajökli mældust skjálftar í Esjufjöllum (tveir), austan Skaftárkatla (tveir) og við Hamarinn (einn) og við Bárðarbungu og Kistufell (tólf). Skjálftavirkni við Öskju og Herðubreið var líka lítil, þar mældust 11 skjálftar, allir undir einum að stærð.

Mýrdalsjökull

Fimmtán skjálftar mældust í Mýrdalsjökli, allir undir tveimur að stærð. Fjórir þessara skjálfta urðu við Hafursárjökul. Einn skjálfti mældist einnig undir austanverðum Eyjafjallajökli.

Sigurlaug Hjaltadóttir