	Veðurstofa Íslands Jarðeðlissvið

Jarðskjálftar 20150302 - 20150308, vika 10

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Ríflega 610 jarðskjálftar voru staðsettir með SIL-mælakerfi Veðurstofu Íslands í vikunni, þar af um 60% við Bárðarbungu og í kvikuganginum en allir voru þeir innan við 2,5 stig. Stærsti skjálfti vikunnar mældist á Reykjaneshrygg um 70 km suðvestan Reykjanestáar og var hann 3,4 að stærð. Fremur rólegt var undir Mýrdalsjökli, aðeins sex skjálftar áttu upptök þar en enginn þeirra náði 1,5 að stærð.

Reykjanesskagi

Um 20 jarðskjálftar urðu á Reykjaneshrygg, þar af flestir við Geirfugladrang og þrír um 70 km suðvestan Reykjanestáar. Á Reykjanesskaga mældust tæplega 10 skjálftar á þekktum sprungum og jarðhitasvæðum milli Svartsengis og Bláfjalla.

Suðurland

Um tylft smáskjálfta voru staðsettir á Hengilssvæðinu, þar af flestir við Húsmúla og Hveradali. Enginn þeirra náði 1,5 stigi. Um 20 skjálftar mældust á jarðskjálftasprungum á Suðurlandsundirlendinu, sá stærsti var 2,0 að stærð þann 7. mars kl. 14:13 norðaustan Þjórsárbrúar.

Mýrdalsjökull

Þrír jarðskjálftar urðu innan Kötluöskjunnar, tveir við Goðaland og einn við Hafursárjökul, allir innan við 1,5 að stærð. Einn smáskjálfti mældist undir Torfajökli og tveir við Heklu þann 4. mars kl. 07:40 og 07:42, báðir minni en 1 stig.

Hálendið

Enn dregur úr jarðskjálftavirkninni við Bárðarbunguöskjuna. Tæplega 80 skjálftar voru staðsettir á öskjubrún Bárðarbungu, sá stærsti var um 2,5 að stærð. Stöðug virkni mældist í kvikuganginum. Um 250 skjálftar mældust þar, en enginn þeirra var stærri en 2,0 að stærð. Fjórir djúpir skjálftar urðu suðaustan Bárðarbungu, þar sem kvikugangurinn beygir til norðausturs. Auk þess áttu fimm skjálftar upptök við Grímsvötn og nokkrir á Lokahrygg og undir Skeiðarárjökli.

Þann 4. mars kl. 18:29 varð jarðskjálfti af stærð 2,9 við Herðurbreið og alls voru rúmlega 70 skjálftar staðsettir í kringum Herðubreið og Herðubreiðartögl í vikunni. Um 15 skjálftar mældust við Öskju og sjö við Tungnafellsjökul. Einn skjálfti átti upptök undir norðaustanverðum Hofsjökli og einn austan Skjalbreiðar.

Norðurland

Rúmlega 60 jarðskjálftar voru staðsettir úti fyrir Norðurlandi, þar af um 45 á Grímseyjarbeltinu og 15 á Húsavíkur-Flateyjarmisgenginu. Stærsti skjálftinn mældist 2,5 að stærð þann 4. mars kl. 19:54 í Öxarfirði. Smávirkni varð á Þeistareykjum og í Kröflu, og einn skjálfti átti upptök við Blönduhlíð í Skagafirði.

Martin Hensch