	Veðurstofa Íslands Jarðeðlissvið

Jarðskjálftar 20150413 - 20150419, vika 16

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Yfir 360 jarðskjálftar mældust með SIL jarðskjálftakerfi Veðurstofunnar í vikunni. Flestir eða um 48% þeirra mældust í kvikuganginum undir Dyngjujökli og við Bárðarbungu. Skjálftarnir voru á stærðarbilinu M_l -1,4 til 2,5. Sá stærsti varð kl. 06:49 þann 16. apríl á Reykjaneshrygg, um 50 km suðvestur af Fuglaskerjum. Alls mældust átta jarðskjálftar um eða yfir M_l 2,0 að stærð.

Suðurland

Á Suðurlandsundirlendinu mældust 28 jarðskjálftar á stærðarbilinu M_l -0,3 til 1,5, flestir með upptök á sprungunum frá 2000 og 2008. Á Hellisheiði mældust sex smáskjálftar.

Reykjanesskagi

Á Reykjanesskaga mældust 10 jarðskjálftar. Sá stærsti var að stærð M_l 1,5 með upptök um 7 km norðaustur af Reykjanestá.

Tæplega 11 jarðskjálftar voru á Reykjaneshrygg, flestir við Fuglaskerin. Sá stærsti varð kl. 06:49 þann 16. apríl með upptök um 50 km suðvestur af Fuglaskerjum.

Norðurland

Í Tjörnesbrotabeltinu mældust 30 jarðskjálftar. Þar af voru níu jarðskjálftar úti fyrir mynni Eyjafjarðar en 21 voru í Öxarfirði. Stærsti jarðskjálftinn var að stærð M_l 1,7, kl. 16:57 þann 19. apríl með upptök um 8 km norðaustur af Grímsey.

Hálendið

Undir og við Vatnajökul mældust 173 jarðskjálftar. Þar af voru um 43 skjálftar undir Bárðarbungu og 106 skjálftar í kvikuganginum. Enn dregur úr jarðskjálftavirkninni við Bárðarbunguöskjuna og kvikuganginum.

Rúmlega 56 skjálftar voru við Herðubreið, Töglin og Öskju. Flestir þeirra voru við Herðubreið.

Mýrdalsjökull

Rúmlega 20 jarðskjálftar mældust undir Mýrdalsjökli og voru þeir á stærðarbilinu M_l -0,3 til 0.9. Þar af voru 14 jarðskjálftar undir Kötluöskjunni og sex jarðskjálftar undir vesturhluta jökulsins.

Matthew J. Roberts
23. apríl 2015