	Veðurstofa Íslands Jarðeðlissvið

Jarðskjálftar 20150907 - 20150913, vika 37

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Vikuna 7.-13. september voru 250 skjálftar staðsettir. Líkt og í síðustu viku varð um fimmtungur skjálftanna við Bárðarbungu eða í kvikuganginum. Stærsti skjálftinn sem mældist í Bárðarbungu var að stærð M_lw 2,4 en stærsti skjálftinn sem mældist á landinu öllu, Mlw 3,1, varð úti á Reykjaneshrygg, nærri Geirfugladrangi 10. september. Álíka stór skjálfti mældist einnig þann sama dag úti á Kolbeinseyjarhrygg, um 200 km NNA Kolbeinseyjar. Hvassviðri gekk yfir landið á mánudag og fram á fimmtudag og mældust á þeim tíma mun færri skjálftar daglega miðað við síðustu vikur (vindsuðið getur kæft merki frá minnstu skjálftunum).

Suðurland

Strjál virkni mældist í Suðurlandsbrotabelti, tveir skjálftar mældust á Kross-sprungu (frá 2008), austan Hveragerðis, þrír á Hengilssvæði, þrír skjálftar A og SA Árness, einn skjálfti á Hestvatnssprungu (frá 21. maí 2000) og þrír allra austast, nærri Selsundi (á -19.99°A).

Reykjanesskagi

Nærri Geirfugladrangi á Reykjaneshrygg mældust fimm skjálftar, sá stærsti að stærð M_lw 3,1.
Aðeins mældust tíu skjálftar á Reykjanesskaganum, við Krýsuvík/Kleifarvatn, í Brennisteins- og Bláfjöllum og við Grindavík.

Norðurland

Úti fyrir Norðurlandi voru 27 skjálftar staðsettir, meirihluti þeirra varð á Grímseyjarmisgenginu. Þá mældust einnig tveir skjálftar um 200 km NNA Kolbeinseyjar, 3,2 og 2,2 að stærð. Við Þeistareyki mældust sjö skjálftar (stærðarbil M_lw -0,8 - 1,0).

Hálendið

Um fimmtungur skjálftanna sem mældust í vikunni varð við Bárðarbungu (14 skjálftar, sá stærsti 2,4 að stærð) eða í kvikuganginum (38 skjálftar, flestir í N-hlutanum). Sjö skjálftar mældust í Tungnafellsjökli, þar af urðu fimm skjálftar milli kl. 17:30 og 18:00 11. september, sá stærsti var Mlw 2.4 að stærð.
Á föstudeginum fór að bera á skjálftavirkni sem staðsett var undir Sylgjujökli, sunnan Hamarsins. Virknin var mest fyrsta daginn en mældist fram á sunnudag. Skjálftastaðsetningarnar eru dreifðar, en tveir skjálftanna, sem urðu 11. september,voru staðsettir nærri eystri Skaftárkatli.
Við Öskju og Herðubreiðartögl mældust 23 skjálftar, allir um eða undir M_lw 1.6 að stærð.

Vestara gosbeltið: Þrír skjálftar mældust við Högnhöfða 12. september,

Mýrdalsjökull

Tíu skjálftar mældust við Goðabungu í vikunni, og sex skjálftar innan Kötluöskjunnar, mun færri en í síðustu viku. Einnig mældust fáeinir skjálftar við Hafursárjökul/Gvendarfell. Skjálftarnir í Mýrdalsjökli voru á stærðarbilinu M_lw 0,1 - 2,2.

Á Torfajökulssvæði mældust yfir 30 skjálftar, sá stærsti að stærð M_lw 2,5 varð við Kaldaklofjökul.

Jarðvakt: Sigurlaug Hjaltadóttir, Hildur María Friðriksdóttir, Bryndís Gísladóttir