	Veðurstofa Íslands Jarðeðlissvið

Jarðskjálftar 20151221 - 20151227, vika 52

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Í vikunni voru 230 skjálftar staðsettir og ein sprenging. Tveir stærstu skjálftarnir sem mældust voru af stærð 3,3 og áttu upptök í Bárðarbunguöskjunni aðfaranótt þann 26. desember. Þann 23. desember varð skjálfti af stærð 2,8 við Reykjanestá.

Suðurland

Á Hengilssvæðinu voru 4 smáskjálftar. Sá stærsti 0,8 að stærð.

Á Suðurlandi mældust 33 skjálftar. Upptök skjálftanna voru í Ölfusi, Flóanum, Holtum og Landsveit. Stærsti skjálftinn var 1,3 að stærð og var við Ytri-Rangá, suður af Skarðsfjalli.

Þann 26.12. kl. 11:39 var skjálfti af stærð 1,4 með upptök um 4 km norðaustur af Heklu.

Reykjanesskagi

Einn skjálfti af stærð 1,3 var á Reykjaneshrygg um 7 km suður af Geirfugladrangi.
Skjálfti af stærð 2,8 var við Reykjanestá kl. 08:55 þann 23.12. Fáeinir smáskjálftar mældust á Krýsuvíkursvæðinu og við Bláfjöll.

Norðurland

Úti fyrir Norðurlandi mældust 36 jarðskjálftar. Upptökin þeirra voru aðallega úti fyrir mynni Eyjafjarðar, við Flatey og á Grímeyjarbeltinu, frá Grímsey og inn í Öxarfjörð. Stærsti skjálftinn mældist 2,4 að stærð með upptök um 13 km norðaustur af Grísmey.

Fáeinir smáskjálftar voru við Víti og Þeistareyki.

Hálendið

Undir og við Vatnajökul voru 63 skjálftar. Í Bárðarbunguöskjunni voru 22 skjálftar og einnig 22 skjálftar í ganginum við Dyngjujökul. Tveir stærstu skjálftarnir voru í Bárðarbungu þann 26.12. Báðir voru af stærð 3,3 og sá fyrri var í sunnanverðri öskjunni kl. 02:32 og sá seinni við norðurjaðarinn kl. 04:51.
Skjálftar mældust einnig við Hamarinn og við Grímsvötn.
kju og Herðubreið voru rúmlega 40 skjálftar. Stærstu skjálftarnir voru um 1,3 að stærð.

Við Geitlandsjökul í Langjökli mældust fáeinir skjálftar.

Mýrdalsjökull

Undir Mýrdalsjökli mældust 14 skjálftar. Upptök flestra skjálftanna voru undir vesturhluta jökulsins og þar var stærsti skjálftinn 2,4 stig.

Á Torfajökulssvæðinu voru 7 skjálftar. Stærsti skjálftinn var 1,2 að stærð.

Jarðvakt