	Veðurstofa Íslands Jarðeðlissvið

Jarðskjálftar 20180108 - 20180114, vika 02

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Rúmlega 220 jarðskjálftar voru staðsettir með SIL-mælakerfi Veðurstofunnar í liðinni viku, talsvert færri en í vikunni áður þegar rúmlega 500 skjálftar mældust. Stærsti skjálfti vikunnar var 2,8 að stærð og mældist þann 10. janúar í Bárðarbungu. Aðeins 6 skjálftar mældust í Öræfajökli, allir undir 1,0 að stærð. Tveir smáskjálftar mældust í Heklu í vikunni.

Suðurland

Um 35 skjálftar mældust á Suðurlandi í liðinni viku og voru þeir allir undir 2,0 að stærð. Rúmlega tugur skjálfta mældist á Hengilssvæðinu en aðrir skjálftar dreifðust um Suðurlandið. Tveir skjálftar mældust í Heklu í vikunni, annar var af stærð 0,3 og hinn af stærð 0,8.

Reykjanesskagi

Tæplega 15 skjálftar mældust á Reykjanesskaga í vikunni. Allir skjálftarnir voru undir 2,0 að stærð. Þá mældust nokkrir skjálftar úti á Reykjaneshrygg, sá stærsti var 2,1 að stærð. Langt suður á hrygg, um 700 km frá landi, mældust nokkrir skjálftar þann 11. janúar. Sá stærsti mældist 5,2 að stærð.

Norðurland

Tæplega 60 skjálftar mældust á Norðurlandi í liðinni viku. Stærsti skjálftinn var 2,3 að stærð norður af Grímsey þann 10. janúar. Mesta virknin var á Grímseyjarbeltinu í liðinni viku þar sem um 40 skjálftar mældust. Tveir skjálftar mældust á Dalvíkurbeltinu. Einn skjálfti mældist í Kröflu og einn í Skagafirði.

Hálendið

Rúmlega 60 skjálftar mældust undir Vatnajökli í vikunni. Tæplega 30 skjálftar mældust í Bárðarbunguöskjunni. Sá stærsti var 2,8 að stærð og mældist þann 10. janúar. Tæplega 15 skjálftar mældust í bergganginum undir Dyngjujökli. Aðeins mældust 6 skjálftar í Öræfajökli, allir af stærð 1,0 eða minni. Um 10 skjálftar mældust við Grímsvötn. Norðan Vatnajökuls mældust um 20 skjálftar en þeir dreifðust á Öskju, Vikursand norðan Vaðöldu og nágrenni Herðubreiðar og Herðubreiðartagla.

Nokkrir skjálftar mældust á Torfajökulssvæðinu. Einn skjálfti mældist í Þórisjökli.

Mýrdalsjökull

Tæplega 20 skjálftar mældust í Mýrdalsjökli í liðinni viku. Stærsti skjálftinn var 2,4 að stærð þann 14. janúar. Nokkrir djúpir skjálftar mældust austarlega í öskjubrúninni (á um 20 km dýpi).

Jarðvakt