	Veðurstofa Íslands Jarðeðlissvið

Jarðskjálftar 20180319 - 20180325, vika 12

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Rúmlega 400 jarðskjálftar voru staðsettir með SIL-mælakerfi Veðurstofu Íslands í vikunni, færri en í vikunni áður þegar rúmlega 540 skjálftar mældust. Meiri virkni var undir Vatnajökli, einkum í Öræfajökli í þessari viku en þeirri síðustu, en minni á Norðurlandi. Stærsti skjálfti vikunnar var 4,3 að stærð við Bárðarbungu 21. mars kl 22:56. Einn smáskjálfti mældist við Heklu.

Suðurland

Rúmlega 80 skjálftar mældust á Suðurlandi í liðinni viku, nokkuð færri en vikuna á undan og voru þeir allir undir 2,1 að stærð. Þar af mældust um 60 skjálftar á Hengilssvæðinu og Ölfusi, en aðrir skjálftar dreifðust um Suðurlandið. Einn smáskjálfti mældist við Heklu.

Reykjanesskagi

Um 15 jarðskjálftar mældust á Reykjanesskaga í vikunni, sá stærsti 1,6 að stærð, þann 20. mars. Þá mældust nokkrir skjálftar úti á Reykjaneshrygg, sá stærsti var 2,1 að stærð, þann 19. mars.

Norðurland

Um 60 jarðskjálftar mældust á Norðurlandi, helmingi færri en í liðinni viku. Rúmlega 25 jarðskjálftar undir 1,8 að stærð mældust á Grímseyjarbeltinu. Um helmingur skjálftanna mældist í Öxarfirði, stærsti skjálftinn þar var 2,0 að stærð, þann 23. mars kl. 03:56. Tæplega 10 smáskjálftar mældust á Húsavíkur ¿ Flateyjar misgenginu. Sex smáskjálftar mældust við Þeistareyki og einn við Kröflu. Fimm jarðskjálftar mældust norður á Kolbeinseyjarhrygg, sá stærsti 2,9 að stærð, þann 19. mars kl. 00:39.

Hálendið

Rúmlega 130 jarðskjálftar mældust undir Vatnajökli í vikunni, sem eru fleiri en vikuna á undan með 100 jarðsskjálftum. Um 25 jarðskjálfar mældust í Bárðarbungu, nokkuð fleiri en í síðustu viku. Stærsti skjálfti vikunnar var 4,3 að stærð við Bárðarbungu 21. mars kl 22:56. Tæplega 10 djúpir smáskjálftar urðu á svæði þar sem gangurinn beygir til norðurs og rúmlega 20 smáskjálftar mældust í bergganginum undir og fyrir framan Dyngjujökul. Sex smáskjálftar voru við Grímsfjall og sex á Lokahrygg. Rúmlega 60 jarðskjálftar mældust í Öræfajökli, töluvert fleiri en vikuna á undan þegar þeir voru 30. Sá stærsti þar var 3,0 að stærð 24. mars kl. 16:32. Tæplega 50 jarðskjálftar mældust á svæðinu norðan Vatnajökuls, rúmlega helmingi færri en vikuna á undan. Þar af um 25 smáskjálftar við Öskju og 25 við Herðubreið og Herðubreiðartögl. Einn jarðskjálfti mældist við Hveravelli 25. mars, 1,7 að stærð og fimm skjálftar, allir undir 1,8 að stærð, mældust i suðvestanverðum Langjökli.

Mýrdalsjökull

20 jarðskjálftar mældust í Mýrdalsjökli í vikunni, nokkru fleiri en vikuna á undan. Flestir skjálftanna, urðu innan Kötluöskjunnar. Sá stærsti 2,1 að stærð, þann 25. mars. Tveir smáskjálftar mældust í Eyjafjallajökli og 12 smáskjálftar mældust á Torfajökulsvæðinu.

Jarðvakt