	Veðurstofa Íslands Jarðeðlissvið

Jarðskjálftar 20180507 - 20180513, vika 19

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Um 400 jarðskjálftar voru staðsettir með SIL-mælakerfi Veðurstofu Íslands í vikunni, örlítið færri en í vikunni á undan þegar um 420 skjálftar mældust. Stærsti skjálfti vikunnar var 2,9 að stærð þann 12. maí kl 07:25 um 170 km NNA af Kolbeinsey. Einn skjálfti mældist við Heklu, 1,1 að stærð. Meiri virkni var undir Vatnajökli og Mýrdalsjökli í þessari viku en þeirri síðustu en nokkuð svipuð á Norðurlandi.

Suðurland

Tæplega 50 skjálftar mældust á Suðurlandi í liðinni viku. Stærsti skjálft vikunnar var 2,1 að stærð þann 8. maí kl. 13:51 við Gálgaklett, sunnan við Þjórsá í Holta- og Landsveit. Flstir skjálftar voru við Raufarhólshelli og nokkrir á víð og dreif á Suðurlandi. Tæplega 10 skjálftar mældust á Hengilssvæðinu, allir undir 1,1 að stærð. Einn smáskjálfti mældist við Heklu.

Reykjanesskagi

Tæplega 20 jarðskjálftar mældust á Reykjanesskaga í vikunni, sá stærsti 1,9 að stærð, þann 13. maí kl. 17:25 úti á Reykjaneshrygg. Var hann jafnframt eini skjálftinn sem mældist þar í vikunni. Að öðru leyti var virkni vikunnar að mestu bundin við Kleifarvatn og nágrenni.

Norðurland

Tæplega 90 jarðskjálftar mældust á Norðurlandi, nokkuð fleiri en í liðinni viku. Stærsti skjálftinn var 2,9 að stærð kl. 07:25 þann 12. maí. Hann var 170 km NNA af Kolbeinsey og var jafnframt stærsti skjálfti vikunnar á öllu landinu. Um 15 jarðskjálftar undir 2,0 að stærð mældust á Grímseyjarbeltinu. Tæplega 20 skjáftar mældust í Öxarfirði, sá stærsti 1,1 að stærð. Tæplega 50 jarðskjálftar mældust á Húsavíkur ¿ Flateyjarmisgenginu. Stærsti skjálfti þar varð í Eyjafjarðarál og var 2,8 að stærð, þann 8. maí kl. 17:01. Hann var síðasti skjálftinn í lítilli hrinu sem hófst á þessu svæði kl. 17:00:17 með skjálfta af stærð 2,4, og stóð hún í um það bil 10 mínútur. Tveir smáskjálftar mældust við Þeistareyki og sex við Kröflu. >

Hálendið

Tæplega 110 jarðskjálftar mældust undir Vatnajökli í vikunni, sem er svipaður fjöldi og í fyrri viku þegar um 115 jarðsskjálftar mældust. Um 40 jarðskjálftar mældust í Bárðarbungu, helmingi fleiri en í síðustu viku. Stærsti skjálfti vikunnar var 1,5 að stærð, þann 12. maí. Fimm djúpir smáskjálftar urðu á svæði þar sem gangurinn beygir til norðurs og tæplega 20 smáskjálftar mældust í bergganginum undir og fyrir framan Dyngjujökul. Tæplega 10 smáskjálftar voru við Grímsfjall og sex á Lokahrygg. Rúmlega 20 smáskjálftar mældust í Öræfajökli, nokkuð færri en vikuna á undan þegar þeir voru 50. Sá stærsti þar var 1,2 að stærð. Rúmlega 50 jarðskjálftar mældust á svæðinu norðan Vatnajökuls, nokkuð færri en vikuna á undan. Þar af um 10 smáskjálftar við Öskju og rúmlega 40 við Herðubreið og Herðubreiðartögl. Tveir smáskjálftar mældist suðaustur af Langjökli.

Mýrdalsjökull

Tæplega 30 jarðskjálftar mældust í Mýrdalsjökli í vikunni, svipaður fjöldi og vikuna á undan. Allir skjálftar voru minni en 1,3 að stærð. Flestir skjálftanna, urðu innan Kötluöskjunnar, undir Kölujökli og við Goðalandsjökul. Fjórir smáskjálftar mældust á Torfajökulsvæðinu.

Jarðvakt