	Veðurstofa Íslands Jarðeðlissvið

Jarðskjálftar 20180611 - 20180617, vika 24

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Rúmlega 400 jarðskjálftar voru staðsettir með SIL-mælakerfi Veðurstofu Íslands í vikunni, fleiri en í vikunni á undan þegar rúmlega 330 skjálftar mældust. Stærsti skjálfti vikunnar var 4,9 að stærð 14. júní kl. 15:04 í norðanverðri Bárðarbungaöskjunni. Þessi skjálfti er stærsti skjálfti í Bárðarbungu frá goslokum ásamt öðrum skjálfta sömu stærðar sem varð 30. janúar í ár. Skjálfti 3,5 að stærð, með upptök 12 km norðvestur af Siglufirði fannst í byggð, þann 15. júní. Einn smáskjálfti mældist við Heklu. Grímsvatnahlaupinu lauk í vikulokin.

Suðurland

Rúmlega 70 skjálftar mældust á Suðurlandi í liðinni viku, nokkuð fleiri en vikuna á undan. Stærsti skjálfti vikunnar var 2,0 við Hveragerði. Nítján smáskjálftar mældust á Hengilssvæðinu en aðrir víðsvegar um Suðurland. Einn smáskjálfti mældist við Heklu.

Reykjanesskagi

Rúmlega 50 jarðskjálftar mældust á Reykjanesskaga í vikunni, töluvert færri en í síðustu viku. Sá stærsti 2,7 að stærð, þann 13. júní, skammt NV af Grindavík. Þá mældust um 20 skjálftar úti á Reykjaneshrygg, sá stærsti var 2,7 að stærð, þann 17. júní.

Norðurland

Um 90 jarðskjálftar mældust á Norðurlandi, miðað við 60 í liðinni viku. Tuttugu smáskjálftar undir 1,4 að stærð mældust á Grímseyjarbeltinu. Tæplega 10 smáskjálftar mældust í Öxarfirði, sá stærsti 1,4 að stærð. Tæplega 15 jarðskjálftar mældust á Húsavíkur ¿ Flateyjarmisgenginu. Stærsti skjálfti þar var 1,4 að stærð. Einn skjálfti 2,8 að stærð mældist suður af Jan Mayen og einn 2,8 að stærð norður á Kolbeinseyjarhrygg. Í Eyjarfjarðarál mældust rúmlega 30 jarðskjálftar. Sá stærsti 2,6 að stærð, þann 11. júní kl. 21:58. Skjálfti með upptök 12 km norðvestur af Siglufirði fannst í byggð, þann 15. júní kl 23:03 og var hann 3,5 að stærð. Nokkrir minni skjálftar fylgdu í kjölfarið. Sjö smáskjálftar mældust við Þeistareyki og Kröflu.

Hálendið

Rúmlega 80 jarðskjálftar mældust undir Vatnajökli í vikunni, heldur færri en í fyrri viku þegar um 100 jarðsskjálftar mældust. Tæplega 30 jarðskjálftar mældust í Bárðarbungu, svipaður fjöldi og í síðustu viku. 14. júní kl. 13:14 mældist jarðskjálfti 4,1 að stærð í norðanverðri Bárðarbungaöskjunni. Nokkrir minni skjálftar fylgdu í kjölfarið og voru tveir þeirra yfir þremur stigum. Kl. 15:04 varð annar stærri skjálfti á svipuðum slóðum. Hann var 4,9 að stærð og fylgdu honum einnig nokkrir minni eftirskjálftar. Þessi skjálfti er stærsti skjálfti í Bárðarbungu frá goslokum ásamt öðrum skjálfta sömu stærðar sem varð 30. janúar í ár. Þrír smáskjálftar urðu á svæði þar sem gangurinn beygir til norðurs og tæplega 20 smáskjálftar mældust í bergganginum undir og fyrir framan Dyngjujökul. Átta smáskjálftar voru við Grímsfjall og fjórir á Lokahrygg. Grímsvatnahlaupi lauk í lok vikunnar. Um 15 smáskjálftar mældust í Öræfajökli, mun færri en vikuna á undan þegar þeir voru 40. Sá stærsti þar var 2,0 að stærð. Um 75 jarðskjálftar mældust á svæðinu norðan Vatnajökuls, mun fleiri en vikuna á undan þegar um 35 skjálftar mældust. Þar af um 15 smáskjálftar við Öskju og 50 jarðskjálftar við Herðubreið og Herðubreiðartögl. Sá stærsti 2,4 að stærð við Herðubreið. Einn smáskjálfti mældist undir Geitlandsjökli í suðvestanverðum Langjökli.

Mýrdalsjökull

Tæplega 15 smáskjálftar mældust í Mýrdalsjökli í vikunni, færri en í fyrri viku þegar rúmlega 30 skjálftar mældust. Allir skjálftarnir voru innan við eitt stig að stærð. Flestir skjálftanna, urðu innan Kötluöskjunnar og undir Kölujökli og nokkrir við Goðalandsjökul. Einn smáskjálfti mældist í Eyjafjallajökli og fjórir mældust á Torfajökulsvæðinu.

Jarðvakt