	Veðurstofa Íslands Jarðeðlissvið

Jarðskjálftar 20180618 - 20180624, vika 25

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Tæplega 460 jarðskjálftar voru staðsettir með SIL-mælakerfi Veðurstofu Íslands í vikunni, fleiri en í vikunni á undan þegar rúmlega 400 skjálftar mældust. Stærsti skjálfti vikunnar var 3,3 að stærð 22. júní kl. 22:44 um 4 km N af Gjögurtá. Hrina smáskjálfta hófst við Nesjavelli á Hengilssvæðinu síðdegis 22. júní og talsvert fleiri smáskjálftar urðu í Öræfajökli miðað við fyrri viku eða tæplega 100 skjálftar (langflestir milli 0,5-1,0 að stærð) en sá stærsti var 2,6 að stærð kl. 23:20 þann 21. júní í lítilli hrinu sem stóð í um það bil klukkustund. Fjórir smáskjálftar mældust við Heklu.

Suðurland

Rúmlega 60 skjálftar mældust á Suðurlandi í liðinni viku, nokkuð færri en vikuna á undan. Þann 23. júní hófst smáskjálftahrina við Nesjavelli á Hengilssvæðinu. Í þeirri hrinu varð jafnframt stærsti skjálfti vikunnar 2,4 þann 23. júní kl. 17:45:42. Aðrir smáskjálftar voru víðsvegar um Suðurland. Einn smáskjálfti mældist við Heklu.

Reykjanesskagi

Tæplega 30 jarðskjálftar mældust á Reykjanesskaga í vikunni, töluvert færri en í síðustu viku. Sá stærsti 3,0 að stærð, þann 18. júní, skammt NV af Grindavík. Hann fannst við Bláa lónið. Þá mældust 8 skjálftar úti á Reykjaneshrygg, sá stærsti var 2,8 að stærð, þann 23. júní.

Norðurland

Um 70 jarðskjálftar mældust á Norðurlandi, miðað við 90 í liðinni viku. Tuttugu smáskjálftar undir 1,4 að stærð mældust á Grímseyjarbeltinu. Tæplega 20 smáskjálftar mældust í Öxarfirði, sá stærsti 2,2 að stærð. Tæplega 30 jarðskjálftar mældust á Húsavíkur ¿ Flateyjarmisgenginu. Stærsti skjálfti þar var 3,3 að stærð, um 4 km N af Gjögurtá, þann 23. júní. Var hann jafnframt stærsti skjálfti vikunnar á landinu öllu. Tveir smáskjálftar mældust við Þeistareyki og Kröflu.

Hálendið

Rúmlega 80 jarðskjálftar mældust undir Vatnajökli í vikunni, svipaður fjöldi og í fyrri viku. Einn jarðskjálfti mældist í Bárðarbungu, sem er miklu minni en undanfarnar vikur þegar stórir skjálftar urðu þar. Rúmlega 10 smáskjálftar mældust í bergganginum undir og fyrir framan Dyngjujökul. Níu smáskjálftar voru við Grímsfjall og einn í Hamrinum. Tveir smáskjálftar mældust í ofanverðum Skeiðarárjökli og tveir í Skaftafellsfjöllum. Um 100 skjálftar mældust í og við Öræfajökul, miklu fleiri en vikuna á undan þegar þeir voru 15. Sá stærsti þar var 2,6 að stærð þann 21. júní kl. 23:20 í hrinu sem stóð þar yfir í um eina klukkustund. Tæplega 70 jarðskjálftar mældust á svæðinu norðan Vatnajökuls, svipað og vikuna á undan þegar um 75 skjálftar mældust. Þar af um 21 smáskjálftar við Öskju og 50 jarðskjálftar við Herðubreið og Herðubreiðartögl. Sá stærsti 1,8 að stærð við Herðubreið. Einn smáskjálfti mældist undir Geitlandsjökli í suðvestanverðum Langjökli.

Mýrdalsjökull

Sjö smáskjálftar mældust í Mýrdalsjökli í vikunni, mun færri en í fyrri viku þegar rúmlega 15 skjálftar mældust. Flestir skjálftarnir voru í kringum eitt stig að stærð, sá stærsti 1,4 að stærð. Flestir skjálftanna, urðu innan Kötluöskjunnar og undir Kölujökli og nokkrir við Goðalandsjökul. Einn smáskjálfti mældist á Torfajökulsvæðinu.

Jarðvakt