	Veðurstofa Íslands Jarðeðlissvið

Jarðskjálftar 20180702 - 20180708, vika 27

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Tæplega 280 jarðskjálftar voru staðsettir með SIL-mælakerfi Veðurstofu Íslands í vikunni, færri skjálftar en í vikunni á undan þegar tæplega 360 skjálftar mældust. Stærsti skjálfti vikunnar mældist 2,4 að stærð í Bárðarbungu þann 2. júlí kl. 11:10 við suðurrima öskjunnar. Um 70 skjálftar voru staðsettir við Öræfajökul í vikunni og 8 skjálftar í Mýrdalsjökli.

Suðurland

Á Suðurlandsbrotabeltinu mældust um rétt rúmlega 20 skjálftar, stærsti af stærð 1,6 í Grashrauni, 20km VSV frá Heklu. 16 skjálftar mældust að auki á Hengilssvæðinu flestir um 3 km norður af Hveragerði, stærsti skjálftinn þar mældist 2.1 að stærð 2. júlí um kl. 11:14. Enginn skjálfti mældist við Heklu í vikunni. Úti á landgrunninu suðvestan við land mældist skjálfti um 2 að stærð.

Reykjanesskagi

Tæplega 20 skjálftar mældust á Reykjanesskaga, fimm þeirra mældust við Sandfell, þar sem stærsti skjálfti svæðisins mældist 1,6 að stærð þann 2 júlí. Við Reykjanestá mældust fjórir skjálftar stærsti af stærð 1,4, þann 7. júlí. Þrír skjálftar mældust úti á Reykjaneshrygg stærsti 2,0 að stærð þann 7. júlí.

Norðurland

Tæplega tíu skjálftar voru staðsettir á Norðurlandi í vikunni, 6 skjálftar voru staðsettir við Kröflu í vikunni stærsti 1,6 að stærð aðrir skjálftar mældust undir 1,0 að stærð. Tæplega 40 skjálftar voru staðsettir úti fyrir landi stærsti af stærð 2,2 á Kolbeinseyjarhrygg um 190 km norður af Gjögurtá. Austan við Grímsey mældust rúmlega 10 skjálftar stærsti 1,5 að stærð 2. júlí. Um 15 smáskjálftar mældust á Húsavíkur-Flateyjar misgenginu allir minni en 1,0 að stærð.

Hálendið

Um 90 jarðskjálftar mældust í Vatnajökli í vikunni. Tveir skjálftar mældust í Bárðarbungu sá fyrri mældist 2,4 að stærð við suðurrima Bárðarbunguöskjunnar þann 2. júlí, það reyndist vera stærsti skjálfti vikunnar. Hinn skjálftinn kom 4. júlí við austurrimann 2,3 að stærð. Rúmlega 10 smá skjálftar mældust í bergganginum undir Dyngjujökli. Um 70 smáskjálftar mældust í og við Öræfajökul í vikunni stærsti mældist 1,6 að stærð 2. júlí. Tveir skjálftar mældust við Grímsfjöll, og einn við vestari Skaftárketilinn.
Við Öskju mældust 3 skjálftar og um 30 skjálftar mældust við Herðubreiðartögl stærsti af stærð 2,1 aðrir um og undir 1 að stærð. Á vestara gosbeltinu, 8 km norðvestur við Hveravelli mældist skjálfti 1,1 að stærð þann 5. júlí.

Mýrdalsjökull

Átta smáskjálftar mældust í Mýrdalsjökli í vikunni, stærsti mældist 1,9 að stærð þann 3. júlí í miðri Kötlu öskjunni. Sjö smáskjálftar mældust á Torfajökulsvæðinu stærsti 1.6 að stærð, rétt sunnan við Landmannalaugar.

Náttúruvársérfræðingur á vakt