	Veðurstofa Íslands Jarðeðlissvið

Jarðskjálftar 20180723 - 20180729, vika 30

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Rúmlega 390 jarðskjálftar voru staðsettir með SIL-mælakerfi Veðurstofu Íslands í vikunni, fleiri en í vikunni á undan þegar rúmlega 320 skjálftar mældust. Stærsti skjálfti vikunnar var 2,8 að stærð 28. júlí kl. 20:13 við Reykjanestá. Einn smáskjálfti mældist við Heklu.

Suðurland

Rúmlega 40 skjálftar mældust á Suðurlandi í liðinni viku, nokkur færri en vikuna á undan. Stærsti skjálfti vikunnar var 1,5 á Hengilssvæðinu. Um 15 smáskjálftar mældust á Hengilssvæðinu en aðrir víðsvegar um Suðurland. Einn smáskjálfti mældist við Heklu.

Reykjanesskagi

Um 40 jarðskjálftar mældust á Reykjanesskaga í vikunni, nokkuð fleiri en í síðustu viku. Sá stærsti 2,8 að stærð, þann 28. júlí, við Reykjanestá. Þá mældust sex skjálftar úti á Reykjaneshrygg, sá stærsti var 2,2 að stærð, þann 27. júlí.

Norðurland

Rúmlega 75 jarðskjálftar mældust á Norðurlandi, miðað við 60 í liðinni viku. Tíu smáskjálftar mældust í Öxarfirði og tæplega 20 jarðskjálftar á Húsavíkur-Flateyjarmisgenginu. Tæplega 20 jarðskjálftar voru í Eyjafjarðarál, sá stærsti 2,2 að stærð þann 26. júlí og um 30 jarðskjálftar mældust á Grímseyjarbeltinu. Um 15 smáskjálftar mældust við Þeistareyki og Kröflu.

Hálendið

Rúmlega 100 jarðskjálftar mældust undir Vatnajökli í vikunni, álika margir og í fyrri viku. Um 10 jarðskjálftar mældust í Bárðarbungu, mun færri en í síðustu viku, þegar 30 jarðskjálftar mældust. Stærsti skjálfti vikunnar var 2,7 að stærð 25. júlí kl. 08:34 í suðaustanverðri Bárðarbungaöskjunni. Tæplega 10 smáskjálftar mældust í bergganginum undir og fyrir framan Dyngjujökul. Rúmlega 50 smáskjálftar mældust í Öræfajökli, nokkru fleiri en vikuna á undan þegar þeir voru 40. Fimm skjálftar mældust við Grímsfjall, sá stærsti 1,7 að stærð. Norður af Esjufjöllum voru fimm skjálftar, allir undir 1,8 að stærð. Auk þess mældust nokkrir skjálftar á við og dreif í Vatnajökli. Um 75 jarðskjálftar mældust á svæðinu norðan Vatnajökuls, vikuna á undan voru þeir 50. Þar af um 15 smáskjálftar við Öskju og 60 jarðskjálftar við Herðubreið og Herðubreiðartögl. Sá stærsti 2,1 að stærð við Herðubreiðartögl þann 29. júlí.

Mýrdalsjökull

Tæplega 10 jarðskjálftar mældust í Mýrdalsjökli í vikunni, færri en í fyrri viku þegar 15 skjálftar mældust. Sá stærsti 1,4 að stærð þann 25. júlí. Flestir skjálftanna, urðu innan Kötluöskjunnar. 25 smáskjálftar mældust á Torfajökulsvæðinu, sá stærsti 1,5 að stærð þann 23. júlí.

Jarðvakt