	Veðurstofa Íslands Jarðeðlissvið

Jarðskjálftar 20181203 - 20181209, vika 49

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Rúmlega 300 jarðskjálftar mældust með SIL-mælakerfi Veðurstofu Íslands í vikunni, nokkuð færri en vikuna á undan þegar þeir voru rúmlega 400. Stærsti skjálftinn á landinu í vikunni var 2,6 að stærð í Öræfajökli þann 8. desember. Nokkuð minni virkni var í Bárðarbungu, Öræfajökli og Mýrdalsjökli samanborið við vikuna á undan. Tveir smáskjálftar mældust við Heklu, 0,3 og 0,1 að stærð.

Suðurland

Rúmlega 20 skjálftar mældust á Hengilssvæðinu, aðeins færri en í síðustu viku þegar tæplega 30 skjálftar mældust. Stærsti skjálftinn var af stærð 2,3 við Húsmúla kvöldið 8. desember, honum fylgdu tveir skjálftar af stærð 1,9. Einnig var skjálfti af stærð 1,9 í Hverahlíð þann 7. desember. Hugsanlegt er að þessir skjálftar tengist niðurdælingu jarðhitavökva á svæðinu. Um 30 jarðskjálftar mældust á Suðurlandsbrotabeltinu sem er aðeins minna en í síðustu viku þegar rúmlega 40 skjálftar mældust. Stærsti skjálftinn var 2,0 að stærð um 3 km norður af Raufarhólshelli. Tveir smáskjálftar mældust við Heklu, 0,1 og 0,3 að stærð.

Reykjanesskagi

Í þessari viku mældust 16 jarðskjálftar á Reykjanesskaga sem er svipaður fjöldi og í síðustu viku þegar 17 skjálftar mældust. Stærsti skjálftinn var 1,8 að stærð rétt vestan við Kleifarvatn. Engir skjálftar mældust úti á Reykjaneshrygg.

Norðurland

Í þessarri viku mældust 34 skjálftar á Tjörnesbrotabeltinu sem er nokkuð færri en í síðustu viku þegar rúmlega 60 skjálftar mældust þar. Stærsti skjálftinn þar í þessarri viku var 2,1 að stærð norðaustan við Grímsey.Einnig var einn skjálfti mældur af stærð 3,1 um 280 km norður af Kolbeinsey. Níu skjálftar mældstu við Kröflu, allir undir einum að stærð. Einnig mældust níu skjálftar við Þeistareyki þar sem stærsti skjálftinn var 1,2 að stærð.

Hálendið

Um 110 jarðkjálftar mældust undir Vatnajökli í vikunni, færri en í vikunni á undan þegar um 140 jarðskjálftar mældust. Í þessarri viku mældust 35 jarðskjálftar í Öræfajökli, sem eru færri en í síðustu viku þegar um 50 skjálftar voru mældir. Stærsti skjálftinn í Öræfajökli, og jafnframt á landinu, þessa vikuna var 2,6 að stærð á norðurbrún öskjunnar. Skjálftarnir dreifðust óreglulega yfir svæðið. Tuttugu jarðskjálftar mældust í Bárðarbungu öskjunni, nokkuð færri en í síðustu viku þegar rúmlega 40 skjálftar mældust. Einnig mældust rúmlega 20 skjálftar í ganginum frá Bárðarbungu. Stærsti skjálfti vikunnar í Bárðarbungu kerfinu var 1,7 að stærð og staðsettur á norðanverðum öskjurimanum. Fimm skjálftar mældust við Grímsvötn sá stærsti 1,1 að stærð. Það er svipaður fjöldi og síðustu viku þegar fjórir skjálftar mældust þar. Níu skjálftar mældust á svæðinu við Pálsfjall og Þórðarhyrnu, þeir stærstu voru 2,1 og 2,0 að stærð og urðu þann 3. desember. Einnig mældust tveir jarðskjálftar í Kverkfjöllum. Þrír skjálftar af stærð frá 0,9 til 1,5 mældust við Skaftárkatla. Einn skjálfti af stærð 0,9 mældist við Esjufjöll. Fimm skjálftar, allir undir 1,0 að stærð, mældust norðan við Svínafellsjökul. Í kringum Herðubreið og Herðubreiðartögl mældust um 20 jarðskjálftar, nokkuð færri en í síðustu viku þegar um 45 skjálftar mældust þar. Sextán jarðskjálftar mældust við Öskju í vikunni, sá stærsti 2,3 að stærð, norðan við Öskjuvatn. Við Langjökul mældust 26 jarðskjálftar, þar af 21 skjálfti í smá hrinu við Jarlhettur sem varð 4. desember. Stærsti skjálftinn í þeirri hrinu var 2,1 að stærð. Aðrir skjálftar í nágrenni Langjökuls mældust vestan við Þórisjökul, einn í Geitlandsjökli og annar í Hlöðufelli.

Mýrdalsjökull

Sjö skjálftar mældust undir Mýrdalsjökli í vikunni, færri en í síðustu viku þegar 14 skjálftar mældust. Stærsti skjálftinn í Mýrdalsjökli í vikunni 1,5 á austurbrún öskjunnar. Þrír jarðskjálftar mældust víðsvegar á Torfajökulssvæðinu, sá stærsti var 1,3 að stærð austan við Rauðfossafjöll.

Jarðvakt