	Veðurstofa Íslands Jarðeðlissvið

Jarðskjálftar 20190218 - 20190224, vika 08

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Suðurland

Um 20 jarðskjálftar mældust á Suðurlandinu, þar af um 13 á Hengilssvæðinu. Stærsti skjálftinn varð 22. febrúar kl. 08:39, á Hengilssvæðinu, 1,5 að stærð. Litlu færri skjálftar voru staðsettir á þekktum sprungum á Suðurlandsundirlendi, allir um og innan við eitt stig. Einn smáskjálfti mældist vð Heklu þann 23. febrúar kl. 11:38, 0,4 að stærð.

Reykjanesskagi

Tæplega 20 jarðskjálftar mældust á Reykjanesskaga í vikunni, mun minna en vikuna á undan. Stærsti skjálftinn var þar 24. febrúar kl. 04:42, 1,8 að stærð. Aðrir skjálftar sem mældust voru allir innan við 1,5.

Norðurland

Um 40 jarðskjálftar mældust á og úti fyrir Norðurland, flestir í Grímseyjarbeltinu. Stærsti skjálftinn á Grímseyjarbeltinu var af stærð 2,7 þann 24. febrúar kl. 03.30 um 30 km NV af Grímsey, aðrir skjálftar voru innan við tvö stig. Nokkrir skjálftar yfir stærð 3 mældust norður á hrygg, um 80 km N af Kolbeinsey. Tveir jarðskjálftar mældust við Kröflu báðir undir 1 að stærð.

Hálendið

Tæplega 70 jarðskjálftar mældust undir Vatnajökli í vikunni, aðeins fleiri en í síðustu viku. Virknin undir Öræfajökli var svipuð og í fyrri viku, tæplega 20 skjálftar. Allir skjálftarnir voru um og undir einu stigi. Um 15 skjálfta voru við Bárðarbungu og er það einnig svipuð virkni og vikuna á undan. Stærsti skjálftinn varð 23. febrúar kl. 21:23, 4,2 að stærð í norðaustanverðri öskju Bárðarbungu. Um 10 djúpir smáskjálftar voru staðsettir, um 17 km austsuðaustur af Bárðarbungu, í bergganginum þar sem hann beygir til norðurs og álíka fjöldi í ganginum undir og framan við Dyngjujökul. Þrír skjálftar mældust í Grímsvötnum. Um sex jarðskjálftar mældust við Tungnafellsjökul.
Um 90 skjálftar (heldur fleiri en í síðustu viku) voru staðsettir á svæðinu norðan Vatnajökuls, þar af mældust um 10 við Öskju en aðrir við Herðubreið, Herðubreiðartögl og sunnan við Herðubreiðartögl.
Rúmlega 20 skjálftar voru staðsettir við Langjökul, flestir suðvestan við Hagavatn. Sá stærsti var 2,4 að stærð þann 22. febrúar.

Mýrdalsjökull

Tæplega 20 jarðskjálftar voru staðsettir í Mýrdalsjökli og á Torfajökulssvæðinu. Stærsti skjálftinn varð í norðanverðri Kötluöskjunni, 18. febrúar kl. 22:01, 3,0 að stærð. Fáeinir litlir skjálftar mældust á Torfajökulssvæðinu. Enginn jarðskjálfti mældist í Eyjafjallajökli í vikunni.

20. feb: Sprenging í Hafnarfjarðarhöfn kl. 17:00. Skjálftinn fannst í Hafnarfirði. Hann fékk stærðina 1,7.

Jarðvakt