	Veðurstofa Íslands Jarðeðlissvið

Jarðskjálftar 20190610 - 20190616, vika 24

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Rúmlega 310 jarðskjálftar voru staðsettir með SIL-mælakerfi Veðurstofu Íslands í vikunni, nokkrir færri en í þeirri síðustu þegar 350 jarðskjálftar mældust. Stærsti skjálfti vikunnar var 2,5 að stærð þann 10. júní, um 20 km SA af Grímsey. Minni virkni var á flestum svæðum samanborið við fyrri viku, nema í Mýrdalsjökli, þar sem virkni var örlítið meiri. Fjórir smáskjálftar mældust í Heklu í vikunni.

Suðurland

Í vikunni mældust tæplega 40 skjálftar á Suðurlandi, nokkuð færri en vikuna á undan þegar 50 skjálftar mældust. Rúmlega 20 skjálftar mældust vítt og breitt á Suðurlandsundirlendinu og um 20 á Hengilssvæðinu, allir undir 1,7 að stærð. Fjórir smáskjálftar mældust í Heklu í vikunni.

Reykjanesskagi

Tæplega 30 jarðskjálftar mældust á Reykjanesskaga í vikunni, heldur fleiri en vikuna á undan þegar þeir voru 14. Skjálftarnir voru dreifðir um skagann, sá stærsti 2,0 að stærð í Bláfjöll, þann 16. júní. 10 skjálfta mældist á Reykjaneshrygg í vikunni og var stærsti skjálftinn 2,3 að stærð.

Norðurland

Rúmlega 50 jarðskjálftar mældust á Tjörnesbrotabeltinu í vikunni, færri en í síðustu viku þegar 70 skjálftar mældust þar. Á Grímseyjarbeltinu mældust um 20 skjálftar, sá stærsti 2,5 að stærð þann 10. júní, um 20 km SA af Grímsey. Um 20 smáskjálftar mældust í Öxarfirði. Tæplega 15 skjálftar mældust í Eyjafjarðaráli og Eyjarfjarðardjúpi, allir innan við 1,3 að stærð. Tæplega 10 smáskjálftar mældust við Þeistareyki, og tveir smáskjálftar mældust á Kröflusvæðinu, allir innan við einn að stærð.

Hálendið

Rúmlega 130 skjálftar mældust á hálendinu í vikunni, sami fjöldi sem og í síðustu viku. Þar af mældust rúmlega 80 skjálftar undir Vatnajökli, aðeins fleiri en í síðustu viku. Um 30 skjálftar mældust í og við Öræfajökul, færri en í síðustu viku og voru þeir allir undir einum að stærð. Sex skjálftar mældust við Grímsvötn, nokkuð færri en í síðustu viku, sá stærsti 1,5 að stærð. 11 skjálftar mældust í Bárðarbungu í vikunni, nokkuð fleiri en í síðustu viku, sá stærsti 1,8 að stærð. Tæplega 10 smáskjálftar mældust í bergganginum undir Dyngjujökli, færri en í síðustu viku. Rúmlega 10 voru á svæði suðaustur af Bárðarbungu, þar sem oft verða djúpir skjálftar, allir undir einum að stærð. Rúmlega 45 jarðskjálftar mældust norður af Vatnajökli, færri en í síðustu viku. Þar af voru um 10 skjálftar við Öskju, sá stærsti 1,9 að stærð og um 35 við Herðubreið og Herðubreiðartögl, allir undir 1,2 að stærð. Tveir skjálftar mældust við Langjökul og einn við Hofsjökul, allir undir 2,0 að stærð.

Mýrdalsjökull

Rúmlega 20 jarðskjálftar, allir undir einnum að stærð mældust undir Mýrdalsjökli í vikunni, fleiri en í síðustu viku. Flestir skjálftar mældust í og við Kötluöskjuna og sex við Kötlujökul. Enginn skjálfti mældist við Eyjafjallajökul. Um 20 skjálftar mældust á Torfajökulssvæðinu, álíka margir og í síðustu viku, stærsti skjálfti var 1,9 að stærð, þann 12. júní

Jarðvakt